Kraken-ის თანადამფუძნებელმა კრიპტოკომპანიებს აშშ-ს დატოვებისკენ მოუწოდა
Kraken-ის ერთ-ერთმა შემქმნელმა აშშ-ს ფასიანი ქაღალდების და ბირჟების კომისია (SEC) გააკრიტიკა, რომელმაც პლატფორმა არარეგისტრირებული ფასიანი ქაღალდებით ვაჭრობაში დაადანაშაულა.
SEC-მა სან-ფრანცისკოს ფედერალურ საოლქო სასამართლოში Kraken-ის წინააღმდეგ სარჩელი შეიტანა. კრიპტობირჟას ბრალად 2018 წლის სექტემბრიდან კრიპტოაქტივების უკანონო ყიდვა-გაყიდვის ხელშეწყობა და ამ პროცესში ასობით მილიონი დოლარის გამომუშავება ედება.
SEC-ის ბრალდების მიხედვით, სავაჭრო პლატფორმა ბირჟის, ბროკერის, დილერისა და საკლირინგო სააგენტოს ფუნქციებს კანონით გათვალისწინებული სავალდებულო რეგისტრაციის გავლის გარეშე ასრულებდა. ამის გამო, მთავრობის წარმომადგენლების თქმით, ფინანსური დანაკარგების შემთხვევაში ინვესტორები შესაძლოა დაუცველ მდგომარეობაში დარჩენილიყვნენ.
ბირჟის თანადამფუძნებელმა ჯესი პაუელმა (Jesse Powell) მარეგულირებელს „აშშ-ს მუხრუჭი“ უწოდა:
„მეგონა, თებერვალში ყველა პრობლემა 30 მილიონი დოლარით მოგვარდა. ახლა ეს პრობლემები კვლავ დაბრუნდა. ყველაფერი ნათელია: 30 მილიონ დოლარად თქვენ დაახლოებით 10 თვეს მიიღებთ და შემდეგ SEC კვლავ დაიწყებს თქვენგან ფულის გამოძალვას.“-ამბობს ჯესი პაუელი.
პაუელის თქმით, SEC-თან ბრძოლა კომპანიებს შესაძლოა უამრავი დრო და 100 მილიონამდე დოლარი დაუჯდეთ.
„თუ ამდენის საშუალება არ გაქვთ, კრიპტო კომპანია აშშ-ს ზონიდან გადაიტანეთ.“- ურჩევს პაუელი სხვა კრიპტო კომპანიებს.
მარეგულირებელმა Kraken-ის საქმიანობის შემოწმება ჯერ კიდევ ზამთარში დაიწყო. თუმცა, მაშინ ბირჟამ შეთანხმების მიღწევა მოახერხა – სტეიკინგის პროგრამა დახურა და 30 მილიონი დოლარის ჯარიმა გადაიხადა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)