Kraken-მა საკუთარი ბანკის დაარსების შესახებ გამოაცხადა

Kraken-მა საკუთარი ბანკის დაარსების შესახებ გამოაცხადა

რთული საკანონმდებლო გარემოსა და მარეგულირებლის მხრიდან პრეტენზიების მიუხედავად, ამერიკულმა კრიპტო ბირჟამ Kraken საკუთარი ბანკის შექმნის შესახებ გამოაცხადა.

განცხადება Kraken-ის მიერ Signature Bank-ის სერვისების გამოყენებაზე უარის თქმის ფონზე გაკეთდა.  აშშ-ს სამართალდამცავი ორგანოები Signature Bank-ის  FTX Group-ის თაღლითობის საქმეში თანამონაწილეობას იძიებენ.

როგორც Twitter-ზე გამოქვეყნებული სიახლეებიდან ირკვევა, რომ ბანკის, პირობითი სახელწოდებით Kraken Financial, გახსნის კონკრეტული თარიღი ჯერ განსაზღვრული არ არის, თუმცა ბირჟის თითოეულ კლიენტს სიახლეები გამოწერა უკვე შეუძლია.

თავდაპირველად Kraken Financial-ის სერვისები  ბირჟის აშშ-ში მცხოვრები მომხმარებლებისთვის იქნება ხელმისაწვდომი , შემდეგ კი დაპირების მიხედვით მთელს მსოფლიოში.

მანამდე  Kraken Financial-ის აღმასრულებელმა დირექტორმა დევიდ კინიცკიმ (David Kinitsky) და Kraken CLO-ს აღმასრულებელმა დირექტორმა მარკო სანტორიმ (Marco Santori) განაცხადეს,

რომ  ბანკის დახმარებით, მსოფლიოში სიდიდით მესამე კრიპტო ბირჟა მესამე მხარის ფინანსური ინსტიტუტების სერვისებზე დამოკიდებულების შემცირებას შეძლებს.

ვაიომინგის შტატის მარეგულირებლებმა Kraken-ს კრიპტო ბანკის შექმნის ლიცენზია ჯერ კიდევ 2020 წელს მისცეს. ამან Kraken-ს  შესაძლებლობა მისცა გამხდარიყო აშშ-ში პირველი კრიპტოვალუტის ბირჟა, რომელმაც საკუთარი ბანკი გახსნა.

სპეციალური დანიშნულების  სადეპოზიტო დაწესებულების სტატუსი (SPDI), რომელიც ბირჟას მიენიჭა, ბანკს საბაჟო მომსახურების უზრუნველყოფის, ბირჟის კლიენტების ციფრული აქტივების შენახვის,

გადახდის სისტემების მართვისა და კლიენტთა გადახდების როგორც ეროვნულ ვალუტაში, ისე კრიპტო აქტივებში დამუშავების საშუალებას აძლევს.

მარტის დასაწყისში Kraken-მა  არაბთა გაერთიანებულ საემიროებში საქმიანობის შეწყვეტის, ასევე ამ რეგიონში საცალო და ინსტიტუციური კლიენტების მხარდაჭერის შეწყვეტის შესახებ გამოაცხადა.