Kraken სამართალდამცავების მხრიდან ინფორმაციის მოთხოვნა 70%-ით გაიზარდა
კრიპტოვალუტის ბირჟა Kraken-ის ცნობით, აშშ-სა და საერთაშორისო სამართალდამცავი სტრუქტურების მხრიდან ბირჟის მომხმარებელთა შესახებ ინფორმაციის გამოთხოვნის მიზნით მომართვიანობა 2023 წელს მნიშვნელოვნად გაიზარდა.
კრიპტო ბირჟის მენეჯმენტის განმარტებით, 2023 წელს ბირჟამ სხვადასხვა უწყების, მათ შორის ფედერალური, სახელმწიფო და ადგილობრივი ხელისუფლების, 4923 მოთხოვნა დაამუშავა.
მონაცემების გამოთხოვნა უპირტესად სამართალდამცავი და მარეგულირებელი ორგანოების მიერ ხდებოდა. ყველაზე ხშირად ინფორმაციის მოთხოვნის მიზეზს გამოძიება წარმოადგენდა. ჯამური მომართვიანობის 28.2% აშშ-ის სამართალდამცავი ორგანოებზე მოდიოდა.
33.1%-ით დომინანტური პოზიცია აშშ-ს გამოძიების ფედერალურმა ბიურომ (FBI) შეინარჩუნა, რაც უწყების მხრიდან კრიპტოვალუტების სფეროს მიმართ გაზრდილ ყურადღებაზე თავისთავად მიუთითებს.
აშშ-ს სააგენტოების მიერ შეტანილი განაცხადების მთლიანი რაოდენობიდან ფასიანი ქაღალდებისა და ბირჟების კომისიაზე (SEC) მომართვიანობის მხოლოდ 1.8% მოვიდა. თუმცა, უშუალოდ მარეგულირებელ ორგანოთა შორის SEC-ის მაჩვენებელმა 60% შეადგინა.
Kraken-ის წარმომადგენლებმა აღნიშნეს, რომ 2023 წელს მსოფლიოს მასშტაბით სამართალდამცავი ორგანოების მხრიდან ინფორმაციის მოთხოვნა წინა წელთან შედარებით 70%-ით გაიზარდა. მათივე თქმით კრიპტო ბირჟამ მიღებული მოთხოვნების 51% დააკმაყოფილა და ინფორმაცია 6110 ანგარიშის შესახებ გასცა. ამ ანგარიშების უმეტესობა აშშ-ში, გერმანიასა და დიდი ბრიტანეთში მცხოვრებ მომხმარებლებს ეკუთვნოდათ.
ბირჟის მენეჯმენტმა ასევე ბრიტანეთის ვირჯინიის კუნძულებისა და ავსტრალიის სამართალდამცავი ორგანოების მხრიდან ინფორმაციის მოთხოვნის მკვეთრ ზრდაზე გაამახვილა ყურადღება, რაც რიცხობრივად 400 და შესაბამისად 341%-იან ზრდაში გამოიხატა.
„საკანონმდებლო ნორმების შესრულებას სერიოზულად ვეკიდებით და პრიორიტეტს ჩვენი კლიენტების კონფიდენციალურობის დაცვას ვანიჭებთ. ამიტომ, ინფორმაციის გამჟღავნების მკაცრ პროცედურებს მოქმედი კანონმდებლობის შესაბამისად ზედმიწევნით ვიცავთ.“ – განმარტა Kraken-მა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)