Kraken 1100 თანამშრომელს გაათავისუფლებს

Kraken 1100 თანამშრომელს გაათავისუფლებს

ამერიკული კრიპტოვალუტის ბირჟა Kraken-ის ხელმძღვანელობამ 1100 თანამშრომლის გათავისუფლების შესახებ გამოაცხადა – რაც პლატფორმაზე დასაქმებული პერსონალის  დაახლოებით 30%-ს შეადგენს.

კომპანიის ბლოგზე გამოქვეყნებულ სტატიაში ნათქვამია, რომ გადაწყვეტილება  „ამჟამინდელი ბაზრის პირობებთან ადაპტირებისთვის“ იქნა მიღებული.

ბირჟის წარმომადგენლების განცხადებით, ისინი „ყველაფერს გააკეთებენ იმისათვის, რომ გათავისუფლებულ თანამშრომლებს ახალი შესაძლებლობების ძიებაში დაეხმარონ.“  თანამშრომლებმა,რომლებიც შემცირებაში მოყვნენ შეტყობინებები უკვე მიიღეს.

ამასთან, სტატიაში ხაზგასმულია, რომ თანამშრომელთა 30%-იანი შემცირების შემდეგ პლატფორმაზე დასაქმებულთა რაოდენობა ერთი წლის წინანდელ მაჩვენებელს დაუბრუნდება.

„წლის დასაწყისიდან მაკროეკონომიკურმა და გეოპოლიტიკურმა ფაქტორებმა ბაზარე მნიშვნელოვნად იმოქმედა. ამან  ვაჭრობის მოცულობის და ახალი მომხმარებლების რაოდენობის მკვეთრი შემცირება გამოიწვია. ჩვენ შევაჩერეთ დიდი მარკეტინგული კამპანიები და ახალი თანამშრომლების მიღება მნიშვნეელოვნად შევამცირეთ. სამწუხაროდ, ფინანსურ ბაზრებზე ზეწოლა გრძელდება და ჩვენ  ჩვენი ხარჯების შემცირების ვარიანტები ამოვწურეთ.“- ნათქვამია Kraken-ის აღმასრულებელი დირექტორის ჯესი პაუელის (Jesse Powell) განცხადებაში.

Kraken-დან გათავისუფლებული ყველა თანამშრომელი  4 თვის ხელფასისა და  გამოუყენებელი შვებულების პერიოდის ანაზღაურების სახით კომპენსაციას მიიღებს. ასევე ანაზღაურდება პრემიები და დანამატები ეფექტური მუშაობისთვის. ბირჟა უზრუნველყოფს არამატერიალურ მხარდაჭერასაც. მაგალითად იმ თანამშრომლებს, რომლებიც ქვეყანაში სამუშაო ვიზით ჩამოვიდნენ იმიგრაციაში დაეხმარებიან.

ცოტა ხნის წინ გავრცელდა ინფორმაცია, რომ Kraken-მა ირანის წინააღმდეგ აშშ-ის სანქციების დარღვევასთან დაკავშირებით მისი OFAC-თან ( საგარეო აქტივების კონტროლის ოფისი) არსებული პრობლემები მოაგვარა.