Kraken ბრიტანეთში XMR ვაჭრობას აუქმებს

Kraken ბრიტანეთში XMR ვაჭრობას აუქმებს

კრიპტოვალუტის ბირჟა Kraken-ის დიდი ბრიტანეთის მომხმარებლები 26 ნოემბრიდან  XMR-ით ვაჭრობას ვეღარ შეძლებენ.

ეს ნაბიჯი Kraken-ის ხელმძღვანელობამ გაერთიანებული სამეფოს მარეგულირებელი ორგანოების მოთხოვნის შესასრულებლად გადადგა.

Kraken-ის ბრიტანელმა მომხმარებელმა Reddit-ზე ბირჟისგან მიღებული ელექტრონული წერილი გამოაქვეყნა.

მასში ნათქვამია, რომ 2021 წლის წინ 26 ნოემბრიდან  მარეგულირებელი ორგანოების მოთხოვნების შესაბამისად,

დიდი ბრიტანეთის მოქალაქეები ვეღარ შეძლებენ Kraken-ზე კონფიდენციალური კრიპტოვალუტის – Monero-ს შეძენას. 

მათთვის ასევე მიუწვდომელი იქნება XMR-ის BTC-თან, აშშ დოლართან და EUR-სთან სავაჭრო წყვილებში მყისიერი ყიდვა-გაყიდვის სერვისები.

მითითებული თარიღის შემდეგ Kraken-ის დიდი ბრიტანეთის მომხმარებლები ვერ შეძლებენ XMR-ში ბალანსის შევსებას, მაგრამ  შეძლებენ ამ კრიპტოვალუტის სხვა საფულეებსა და ბირჟებზე გადატანას .

გარდა ამისა, 23 ნოემბრიდან ბრიტანელ მომხმარებლებს არ ექნებათ შესაძლებლობა ბირჟაზე  XMR-ის  მარჟის პოზიციები გაზარდონ, თუმცა შეძლებენ მათ შემცირებას.

26 ნოემბერს ბირჟა მარჟის ყველა ღია პოზიციას იძულებით დახურავს და XMR-ის ყველა ღია ორდერს  გააუქმებს.

Kraken-ის გუნდმა მომხმარებლებს შექმნილი უხერხულობის გამო ბოდიში მოუხადა.

XMR-ის კონფიდენციალური ბუნების გამო, სამართალდამცავი ორგანოები და სხვა „დაინტერესებული“ მხარეები ამ კრიპტოვალუტის ტრანზაქციებს ვერ აკონტროლებენ.

მთავრობები შიშობენ, რომ XMR შეიძლება  გადასახადებისგან თავის არიდებისა და უკანონო ქმედებებისთვის იქნას გამოყენებული. ამიტომ, ბევრ ქვეყანაში მარეგულირებლები მსგავსი ტიპის კრიპტოვალუტების გამოყენების აღკვეთას ცდილობენ.

გასულ წელს XMR-ის დელისტინგი ბირჟა ShapeShift-მა მოახდინა. იმის გამო, რომ კრიპტოვალუტა ფულის გათეთრების წინააღმდეგ ბრძოლის საერთაშორისო ფინანსური სამოქმედო ჯგუფის (FATF) წესებს არ შეესაბამება.

მანამდე Monero-ს დეველოპერებმა განაცხადეს, რომ შეერთებული შტატების ფინანსურ დანაშაულთან ბრძოლის ქსელის (FinCEN) რეკომენდაციები მხოლოდ ტრადიციული აქტივებისთვისაა შესაფერისი, მაგრამ არა კონფიდენციალური კრიპტოვალუტებისთვის.

წყარო: https://bits.media