by shaksen 
Lazy Brunch Special: Cues & Deals — როგორ ჩაიარა საღამომ 🎱
20 თებერვალს, Kit Club-ში (თბილისი) გაიმართა დახურული ფორმატის ღონისძიება Lazy Brunch Special: Cues & Deals, რომელმაც ერთ სივრცეში შეკრიბა დამფუძნებლები, ინვესტორები და ტოპ-მენეჯერები — ადამიანები, რომლებიც ქმნიან, მართავენ და რეალურად წინ მიიწევენ.
ღონისძიებას ასევე ესწრებოდნენ CryptoNews.ge-ის დამფუძნებლები, რომლებიც აქტიურად იყვნენ ჩართული საღამოს ბიზნეს-დიალოგებსა და ნეთვორქინგში.
საღამო განსხვავდებოდა კლასიკური კონფერენციებისგან — არანაირი შემთხვევითი აუდიტორია. პრემიუმ ბილიარდის კლუბის ატმოსფეროში გაიმართა დახურული ტურნირი, სადაც ფორმალური პრეზენტაციების ნაცვლად მთავარი აქცენტი გაკეთდა ცოცხალ კომუნიკაციაზე, კონკურენტულ ენერგიასა და რეალურ ბიზნეს-საუბარზე.
🔹 მკვეთრი და შინაარსიანი დისკუსიები
🔹 გულწრფელი აზრთა გაცვლა
🔹 ახალი, ლოგიკური ბიზნეს-კავშირები
🔹 კონკურენტული, მაგრამ მეგობრული გარემო
ღონისძიების მასპინძელი იყო საქართველოს მრავალგზის ჩემპიონი დავით ნერგაძე, ხოლო Kit Club-მა სტუმრებს პრემიუმ სივრცე შესთავაზა — ხუთი პროფესიონალური მაგიდითა და დახვეწილი, ინტიმური გარემოთი, რომელიც იდეალურია მაღალი დონის ნეთვორქინგისთვის.
როგორც ორგანიზატორებმა აღნიშნეს, Lazy Brunch აგრძელებს სივრცის განვითარებას — იგეგმება ახალი ფორმატები, მოწვეული ექსპერტები, დახურული მასტერმაინდები და კიდევ უფრო შერჩეული შეხვედრები მათთვის, ვინც შინაარსს ანიჭებს უპირატესობას ხმაურის ნაცვლად.
ვინც იქ იყო — მალე ისევ შევხვდებით.
ვინც ვერ დაესწრო — შემდეგ წრეს მალე გახსნიან. 🚀
