Litecoin კრიპტოვალუტების ტოპ ათეულისკენ მიიწევს
კრიპტო ბაზრის დაცემის ფონზე, Litecoin-ის მონეტა მოულოდნელად გამყარდა – გასული დღის განმავლობაში LTC-ის კურსი 27%-ით გაიზარდა, რის შედეგადაც კრიპტოვალუტამ CoinMarketCap-ის რეიტინგში მე-13 ადგილის დაკავება შეძლო.
კურსის მნიშვნელოვანმა ზრდამ Litecoin-ს შესაძლებლობა მისცა კაპიტალიზაციის მიხედვით რეიტინგის მე-13 ადგილზე მყოფი მონეტა Shiba Inu (SHIB) ჩაენაცვლებინა.
და თუ სიიდან სტეიბლკოინებს ამოვიღებთ, მაშინ Litecoin კაპიტალიზაციის მიხედვით მე-9 მონეტა გახდება.
Litecoin 2011 წელს როგორც ბიტკოინის უფრო სწრაფი და იაფი ალტერნატივა შეიქმნა.
როგორც ჩანს, კრიპტოვალუტის პროექტის ხანგრძლივი ისტორია ინვესტორებისთვის მიმზიდველი სწორედ ახლა გახდა.
როგორც Litecoin Foundation-ის მმართველმა დირექტორმა ალან ოსტინმა (Alan Ostin) განაცხადა, Litecoin-ს „მოსაწყენი“, გლამურს მოკლებული რეპუტაცია აქვს, მაგრამ ეს მონეტა მფლობელებს სტაბილურობის მაღალ დონეს სთავაზობს.
Glassnode-ის ანალიტიკოსების ვარაუდით, ინვესტორები Litecoin-ს სულ უფრო ხშირად განიხილავენ როგორც დაგროვების და არა გადახდის საშუალებას.
2021 წლის პირველი კვარტალიდან მოყოლებული, LTC მონეტების რაოდენობა, რომლებიც დიდი ხნის განმავლობაში უმოქმედოა, ზრდას განაგრძობს .
აღსანიშნავია, რომ მიმდინარე წლის ზაფხულში, Litecoin ლისტინგებიდან სამხრეთ კორეულმა კრიპტოვალუტის ბირჟებმა ამოიღეს, რაც ტრანზაქციის ანონიმიზაციის ფუნქციის MimbleWimble (MWEB) დანერგვით იყო გამოწვეული.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)