Litecoin Walmart ყალბი ნიუსის შემდეგ 67$-ით გაიზარდა

Litecoin Walmart ყალბი ნიუსის შემდეგ 67$-ით გაიზარდა

LTC-ის კურსი 240$-მდე გაიზარდა და მერე ისევ შემცირდა მას შემდეგ, რაც გაჩნდა ყალბი ცნობები ამერიკული
საბითუმო სავაჭრო ქსელის, Walmart-ის მიერ LTC-ით გადახდების მიღების შესახებ. როგორც Walmart-მა ისე Litecoin-მა ეს ინფორმაცია უარყვეს.

პრესს-რელიზი Walmart-ისა და Litecoin-ის პარტნიორობის შესახებ პირველად გაჩნდა საიტზე Global Newswire,
რომელსაც პუბლიკაციისთვის მასალას სხვადასხვა კომპანიები აწვდიან. პრეს-რელიზში ნათქვამი იყო, რომ მიმდინარე
წლის პირველი ოქტომბრიდან Walmart Litecoin-ით გადახდებს მიიღებს. მასალაში როგორც Walmart-ის აღმასრულებელი დირექტორის ასევე Litecoin-ის დამფუძნებლის ციტატები იყო მოყვანილი. იმის გათვალისწინებით, რომ ყალბი სიახლე საინფორმაციო სააგენტოების მეშვეობით სწრაფად გავრცელდა, LTC-ის კურსი 173$-დან 240$-მდე ავარდა.

ეჭვი გააჩინა იმ ფაქტმა, რომ პრესასთან საკონტაქტო ელექტრონული ფოსტის მისამართი მიუთითებდა დომენს, რომელიც წინა თვეში იყო რეგისტრირებული. მოცემულ მისამართზე შეტყობინებები არ იგზავნებოდა, ამიტომ CNBC-ის კორესპონდენტებმა ტელეფონით Walmart-ის ხელმძღვანელობასთან დაკავშირება გადაწყვიტეს. ხელმძღვანელობამ უარყო გავრცელებული
ინფორმაცია და მოგვიანებით ეს სხვა ამერიკულ მედია საშუალებებსაც აცნობა.

Walmart-ისა და Litecoin-ის პარტნიორობის შესახებ შეთხზული პრეს-რელიზი გაქრა, ისევე როგორც Litecoin-ის ოფიციალური ექაუნთით გაზიარებული ტვიტი არაავთენტური მასალის ლინკით. რამდენიმე საათში კი კომერციულ გიგანტთან
პარტნიორობის შესახებ ინფორმაცია ტვიტერის მეშვეობით  თავად Litecoin Foundation-მაც უარყო. შედეგად, LTC-ის კურსი
თითქმის დაუბრუნდა  ჩვეულ ნიშნულს – 178$-ს. ამ დრომდე უცნობია, თუ ვინ იდგა ცრუ ინფორმაციის გავრცელების უკან.
როგორც ჩანს, ვიღაცას სურდა Litecoin-ის გარშემო ხმაური აეტეხა რომ აქტივის ფასი გაზრდილიყო. „pump and dump“ სქემამ ხანმოკლედ, თუმცა წარმატებით იმუშავა.

 Walmart 2020 წელს სხვადასხვა სფეროში ბლოკჩეინზე ექსპერიმენტირების მიზნით კონსორციუმ Hyperledger-ს შეუერთდა.
გასულ თვეში ცნობილი გახდა, რომ  კომპანია კრიპტო პროდუქტების განვითარების ხელმძღვანელს ეძებს.

წყარო: https://bits.media

Litecoin Walmart ყალბი ნიუსის შემდეგ 67$-ით გაიზარდა