რუსული კრიპტობირჟის LiveCoin – ის ხელმძღვანელობამ, რომელმაც 2020 წლის დეკემბერში სისტემის გატეხვის შესახებ განაცხადა, პლატფორმის დახურვის შესახებ განცხადებას ავრცელებს.
ოფიციალურ განცხადებაში ხაზგასმულია, რომ მიმდინარე გამოძიება აქტიურ ფაზაშია. LiveCoin – ის ხელმძღვანელობა ბოდიშს უხდის ყვლა მომხმარებელს. ბოროტმოქმედების მიერ მიყენებული ზარალი სერიოზულია. LiveCoin – ის განკარგულებაში არსებულ სახსრებს მომხმარებლებს გადაუხდიან.
„ჩვენს სერვისს მნიშვნელოვანი ტექნიკური და ფინანსური ზარალი მიადგა. მუშაობის აღდგენა შეუძლებელია, ამიტომ ჩვენ მივიღეთ გადაწყვეტილება, დავხუროთ პროექტი და დარჩენილი სახსრები კლიენტებს გადავუხადოთ.“
კომპენსაციის მისაღებად მომხმარებლებმა განაცხადი უნდა გააგზავნონ მისამართზე [email protected] და ვერიფიკაციის პროცედურა გაიარონ. განაცხადების მიღება 2021 წლის 21 მარტამდე იქნება შესაძლებელი. განაცხადის გაგზავნა მხოლოდ იმ მისამართიდან იქნება შესაძლებელი, რომლითაც მომხმარებლის ექაუნთი ბირჟაზე იყო დარეგისტრირებული.
LiveCoin – ის წარმომადგენლებმა მომხმარებლები გააფრთხილეს, რომ სოციალურ ქსელებში შექმნილია უამრავი ყალბი ჯგუფი, რომლებიც თავს ბირჟის ოფიციალურ არხებად ასაღებენ. თუმცა, ბირჟას ამჟამად არცერთი მსგავსი ჯგუფი არცერთ ქსელში არ გააჩნია – ყველა სახის ინფორმაცია ხელმისაწვდომია მხოლოდ და მხოლოდ ახალ საიტზე.
„არავითარ შემთხვევაში არ გადაურიცხოთ ვინმეს ფული. თქვენ არაფრის გადახდა არ გჭირდებათ ჩვენგან ანაზღაურების მისაღებად. საჭიროა მხოლოდ შეავსოთ განაცხადი და მიჰყვეთ ინსტრუქციებს,“ – ნათქვამია განცხადებაში.
შეგახსენებთ, რომ ბირჟამ LiveCoin მუშაობა 25 დეკემბერს შეწყვიტა. მასზე იერიში 23-24 დეკემბრის ღამეს მიიტანეს, რის შემდეგაც მან დაკარგა კონტროლი ყველა სერვერსა და ინფრასტრუქტურაზე. ამის შემდეგ ბირჟის ოფიციალური საიტი გადავიდა დომეინზე livecoin.news.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)