მაინინგი უკვე Commodore 64-ზეც შესაძლებელია

პოლონელმა დეველოპერმა დაწერა კოდი, რომლის მეშვეობითაც მაინინგი Commodore 64-ზე არის შესაძლებელი. კოდი დეველოპერმა  GitHub-ის პლატფორმაზე გამოაქვეყნა.

Commodore 64 1982 წელს გამოვიდა და იყო მასიური ბაზრის ერთ-ერთი პირველი გეიმინგზე და მუსიკის შექმნაზე ორიენტირებული 8 ბიტიანი პერსონალური კომპიუტერი. მისი ოპერატიული მეხსიერება 64 კიბიბაიტს (მეგაბაიტის მეათასედი) შეადგენდა, მაშინ როცა თანამედროვე კომპიუტერების მეხსიერება, როგორც წესი 4-32 გიგაბაიტია.

მაინინგი თითქმის ყველა ტიპის კომპიუტერზეა შესაძლებელი. ბიტკოინის არსებობის პირველ წლებში მაინინგისთვის სახლის კომპიუტერებსაც იყენებდნენ. დღეს კი იმისათვის, რომ  საშუალო თვიურ ხელფასზე ოდნავ მაღალი შემოსავალი გამოიმუშაო ძვირადღირებული მოწყობილობების შეძენაა საჭირო. გაწეული ხარჯის ამოღებას თვეები და ხშირად წლებიც კი სჭირდება.

კოდის შემქმნელმა Commodore 64-ის ჰეშირების სიმძლავრეც გამოითვალა – 0.2 ჰეში წამში. შედარებისთვის, თანამედროვე ASIC-მაინერის, მაგალითად Antminer T19-ის სიმძლავრე წამში 84 ტერაჰეშს შეადგენს. ამიტომ, ნაკლებ სავარაუდოა Commodore 64-ის მეშვეობით ბიტკოინის ბლოკის მოპოვება გამოვიდეს. დეველოპერმა მომხმარებლებს ურჩია „უბრალოდ ისიამოვნონ ამ გამოცდილებით“ და თუ რამე არ გამოვა ყოველთვის შეუძლიათ Pac-Man-ი ითამაშონ.

წყარო:https://decrypt.co