Cosmos-ის დეველოპერი კომპანია Tendermint უნივერსალურ დეცენტრალიზებულ ბირჟას Gravity DEX-ს აამოქმედებს. ამისთვის კომპანიამ Cosmos-ის ბლოკჩეინზე მომუშავე პროექტი B-Harvest შეიძინა.
B-Harvest DeFi პროექტია. მისი შემუშავება Cosmos-ზე მიმდინარეობდა და ის Cosmos-ის ვალიდატორის ერთ-ერთ კვანძს მართავს. Tendermint-ს გარიგების ღირებულება არ გაუხმაურებია, თუმცა აღნიშნა, რომ ის ATOM-ის ტოკენების გარკვეულ რაოდენობაზე უფლებების ოთხი წლით გადაცემას მოიცავს.
Tendermint-ის აღმასრულებელმა დირექტორმა, პენგ ზონგმა (Peng Zhong) განაცხადა, რომ Tendermint Gravity DEX-ის B-Harvest-იდან Cosmos-ში ინტეგრირებას აპირებს, „სანდო და ნებადართული“ ვაჭრობის განვითარებისთვის.
„B-Harvest-თან მუშაობა ოქტომბრიდან დავიწყეთ. დეცენტრალიზებული ბირჟის შესაქმნელად ვეძებდით გუნდს, რომელსაც ფინანსების და DeFi-ს სფეროში მუშაობის გამოცდილება ექნებოდა. Gravity DEX შემუშავებულია არა მხოლოდ ATOM-ისთვის, არამედ სხვა ბლოკჩეინების კრიპტოაქტივებისთვისაც.“- თქვა ზონგმა.
Cosmos-ი ერთ-ერთი ყველაზე ამბიციური კრიპტო პროექტია. ის წარმოადგენს ქსელ-ჰაბს, რომელიც სხვადასხვა ბლოკჩეინებს „ხიდების“ მეშვეობით აკავშირებს. ქსელს აქვს როგორც ყველასთვის ხელმისაწვდომი, ისე კერძო ბლოკჩეინების მხარდაჭერა. მისი საბოლოო მიზანია შეიქმნას შემაკავშირებელი რგოლი, სადაც ურთიერთაქმედება ყველა ბლოკჩეინსა და კრიპტოვალუტას შეეძლება.
პენის ინფორმაციით ამ ეტაპზე საცდელ ქსელში მუშაობა ეთერიუმთან შემაკავშირებელ ხიდზე მიმდინარეობს. მისი ამოქმედება შესაძლოა DEX-ის ამოქმედებისთანავე მოხდეს. ხოლო ბიტკოინსა და სხვა ქსელებთან ხიდები სამომავლოდ შეიქმნება. პენის განცხადებით, Uniswap-ისა და სხვა დეცენტრალიზებული ბირჟების მსგავსად, ტექნიკური ცოდნის მქონე ნებისმიერ მომხმარებელს Cosmos-ის ბლოკჩეინზე მონეტის ან სავაჭრო წყვილის ინტეგრაციისთვის კონტრაქტის დაწერა შეეძლება. Gravity DEX-ის ამოქმედება მომავალ თვეში იგეგმება.
წყარო:https://www.coindesk.com
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)