Marathon Digital-მა ივლისში ათასზე მეტი ბიტკოინი მოიპოვა

Marathon Digital-მა ივლისში ათასზე მეტი ბიტკოინი მოიპოვა

მსოფლიოში ერთ-ერთმა უმსხვილესმა მაინინგ კომპანიამ Marathon Digital Holdings ლიდერის პოზიცია კიდევ ერთხელ გაამყარა და ივლისში 20%-ით მეტი ბიტკოინი მოიპოვა, ვიდრე ივნისში. ამის შესახებ კომპანიის ანგარიშშია ნათქვამი.

„ივლისში ჩვენ 1176 ბიტკოინი მოვიპოვეთ, რაც 20%-ით მეტია გასულ თვესთან შედარებით და 1527%-ით მეტი, ვიდრე წინა წლის ივლისში.“ – განაცხადა Marathon-ის თავმჯდომარემ და აღმასრულებელმა დირექტორმა ფრედ თილმა (Fred Thiel).

ბიტკოინის მოპოვების ზრდა ჰეშის სიჩქარის ზრდით არის განპირობებული. მაინინგ კომპანიის ჰეშრეიტი 18.8 EH-მდე გაიზარდა.

„ამ გაუმჯობესების წყალობით, ჩვენ მიმდინარე თვეში ბლოკების რეკორდული რაოდენობა მოვიპოვეთ. ჯამში ივლისში სულ 179 ბლოკი მოვიპოვეთ, მაშინ როცა მანამდე 144 ბლოკი , მაისში კი 171 ბლოკი.“ – დასძინა თილმა.

წლის დასაწყისიდან Marathon Digital-მა 184.3 მილიონი დოლარის ღირებულების 6297 BTC მოიპოვა. კომპანიას მოლოდინი აქვს, რომ ტეხასის გარდენ სიტიში მაინინგ ფერმის ამოქმედებით მათი პროდუქტიულობა კიდევ უფრო გაიზრდება.

ივნისში Marathon Digital-მა 979 ბიტკოინი მოიპოვა, რაც 2022 წლის ივნისთან შედარებით 599%-ით მეტია. თუმცა, 2023 წლის მაისთან შედარებით ივნისში მოპოვებული ბიტკოინების მოცულობა 21%-ით შემცირდა. მაისში კომპანიამ პირველი კრიპტოვალუტის მოპოვებაში რეკორდი დაამყარა და 1245 ბიტკოინის მოპოვება შეძლო, რაც აპრილთან შედარებით 77%-ით მეტია.

მანამდე Marathon-მა და ფირმამ Brink Bitcoin Core-ის დეველოპერების მხარდასაჭერად სახსრების შეგროვების დაწყების შესახებ გამოაცხადეს.