მარტის თვეში ბიტკოინის მაინერებმა 1.5 მილიარდი დოლარი გამოიმუშავეს, რაც თებერვლის მაჩვენებელს 150 მილიონი დოლარით აჭარბებს. შემოსავლის მნიშვნელოვანი წილი ბლოკის ჯილდოებზე მოდის.
შემოსავლის დიდი წილი – 1.36 მილიარდი დოლარი, მიღებულია ბლოკებისთვის ჯილდოს სახით, 148 მილიონი დოლარი კი საკომისიოს სახით. მარტში მაინერებმა გაცილებით მეტი გამოიმუშავეს ვიდრე თებერვალში, როცა შემოსავალმა 1.36 მილიარდის რეკორდულ მაჩვენებელს მიაღწია. ჯამში წლის დასაწყისიდან დღემდე ბიტკოინის მაინერები ყოველთვიურად 1 მილიარდ დოლარზე მეტს გამოიმუშავებენ.
მარტის შუა რიცხვებში Glassnode-ის ანალიტიკოსებმა განაცხადეს, რომ ბიტკოინის მაინინგმა რეკორდულ მომგებიანობას მიაღწია – მაინერები დღიურად 52.3 მილიონ დოლარს გამოიმუშავებენ, რაც ბიტკოინის ფასისა და ტრანზაქციების საკომისიოს ზრდასთანაა დაკავშირებული.
მაინინგ კომპანიების აქციები ბიტკოინში ჩადებულ ინვესტიციებზე მომგებიანი გამოდგა. გასული წლის განმავლობაში ბიტკოინის ფასი 900%-ით გაიზარდა, მაინინგ კომპანიების აქციები კი იგივე პერიოდის განმავლობაში 5000%-ით. მაინინგ ფირმების აქციებში ჩადებული ინვესტიციები 455%-ით უფრო მომგებიანი გამოდგა ვიდრე ბიტკოინში დაბანდებები.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)