ბანკები და კომპანიები, რომლებიც Mastercard-ის სისტემასთან მუშაობენ, კლიენტებითვის ბონუსების დარიცხვას კრიპტოვალუტებში შეძლებენ. სერვისი Bakkt პლატფორმის პარტნიორობით ამოქმედდა, რომელიც კასტოდიანი გახდება.

CNBC

CNBC-ის ცნობით, ათასობით ბანკი და მილიონობით მოვაჭრე, რომლებიც Mastercard გადახდის სისტემას იყენებენ,
მალე თავიანთ პროდუქტებსა და სერვისებში კრიპტოვალუტების ინტეგრირებას შეძლებენ. ეს ეხება ბიტკოინის საფულეებს, საკრედიტო და სადებეტო ბარათებს ციფრული აქტივების დარიცხვის ფუნქციით და ლოიალობის პროგრამებს.
ამისთვის Mastercard-მა პარტნიორობა გააფორმა Bakkt-ის პლატფორმასთან, რომელიც კომპანია Intercontinental Exchange-ს (ICE) ეკუთვნის. პლატფორმა გადახდის ქსელის კლიენტების ციფრული აქტივების შენახვის სერვისს უზრუნველყოფს.

Bakkt-ის აღმასრულებელი დირექტორის, გევინ მაიკლის (Gavin Michael) განმარტებით, გამყიდველებს, რესტორნებს, ავიაკომპანიებსა თუ სასტუმროებს, სურვილის შემთხვევაში შეუძლიათ მომხმარებლები ნაცვლად ტრადიციული ქულებისა ბიტკოინებით დააჯილდოვონ. შესაძლებელი იქნება მონაწილე კომპანიების მიერ დადგენილი ტარიფების შესაბამისად მოქმედი ქულების კრიპტოვალუტაში კონვერტირდება, რაც ადამიანებისთვის შემოსავლის მიღების ახალ შესაძლებლობებს გააჩენს.

Mastercard-ი მსოფლიო მასშტაბით 20000-ზე მეტ ფინანსურ ინსტიტუტთან თანამშრომლობს და ამჟამად გამოყენებაში
დაახლოებით 2,8 მილიარდი Mastercard ბარათია. Mastercard-ის მიერ კრიპტოვალუტების მხარდაჭერა მათ ფართო
გამოყენებას დააჩქარებს და ხელს შეუწყობს გახდნენ ყოველდღიურობის ნაწილი ადამიანებისთვის, რომლებიც მათ
გამომუშავებასა და მათი მეშვეობით გადახდების განხორციელებას შეძლებენ. მაიკლმა დაამატა, რომ Mastercard-ისა და
Bakkt-ის პარტნიორობა კრიპტოვალუტის სივრცეში შესასვლელ ბარიერს შეამცირებს. ეს არის მარტივი გზა
კრიპტოაქტივებთან ურთიერთობის დასაწყებად, რადგან ადამიანებს არ დასჭირდებათ მათში ნაღდი ფულის ინვესტიცია –
მათ უბრალოდ უნდა გაცვალონ ლოიალობის ქულები კრიპტოვალუტებზე. Bakkt-თან თანამშრომლობაზე ასევე Mastercard-ის ციფრული განვითარების აღმასრულებელმა ვიცე-პრეზიდენტმა, შერი ჰეიმონდმა (Sherri Haymond) გააკეთა კომენტარი:

„ჩვენ გვინდა, რომ ყველა ჩვენმა პარტნიორმა – ბანკებმა, ფინტექს კომპანიებმა თუ მოვაჭრეებმა, კრიპტოვალუტები მარტივად გამოიყენონ. Baktt-ის პლატფორმასთან ინტეგრაციის მეშვეობით, მათი მომხმარებლები კრიპტოვალუტების შეძენას, გაყიდვასა და შენახვას შეძლებენ. ბანკები შეინარჩუნებენ კლიენტებს თავიანთ პლატფორმებზე და არ მოუწევთ თვალი ადევნონ იმას, თუ როგორ გადააქვთ მათ დოლარები კრიპტოვალუტის ბირჟებზე“- განაცხადა ჰეიმონდმა.

რამდენიმე თვის წინ MasterCard-მა კრიპტოაქტივების ტრადიციულ ვალუტადში კონვერტაციის პროცედურა გაამარტივა და კრიპტოვალუტის ბარათების მომსახურების პროგრამა გააფართოვა. გარდა ამისა, სექტემბერში MasterCard-მა დაიწყო თანამშრომლობა სერვისთან Lulu, რომელიც საერთაშორისო გადახდების დასაჩქარებლად RippleNet-ის გადაწყვეტას იყენებს.