by Maria 
Messari-ს ანალიტიკოსებმა Solana-ს ბლოკჩეინის მდგომარეობა შეაფასეს
წლის დასაწყისიდან Solana-ს ბლოკჩეინმა რამდენიმე მნიშვნელოვანი მაჩვენებლის ზრდა აჩვენა. Messari-ს ექსპერტების მონაცემებით, პროექტის საბაზრო კაპიტალიზაცია 29.8%-ით გაიზარდა და 82.8 მილიარდ დოლარს მიაღწია, ხოლო დაბლოკილი თანხების მოცულობა 30.4%-ით გაიზარდა და 8.6 მილიარდ დოლარი შეადგინა.
ექსპერტების თქმით, 20.71 მილიონი აქტიური მისამართით Solana ლიდერობას ინარჩუნებს, რაც ქსელის პოპულარობას ადასტურებს. მას 10.26 მილიონი მისამართით Binance Coin მოსდევს.
მაჩვენებლების ზრდას ხელი Anza-ს გუნდის მიერ შემუშავებული კონსენსუს Alpenglow-ს განახლების ამოქმედებამ შეუწყო, რომელიც ტრანზაქციის დასრულების დროის 12.8 წამიდან 100-150 მილიწამამდე შესამცირებლად შეიქნნა. Messari-ს წარმომადგენლების განმარტებით, განახლებამ ხელი ქსელის საერთო ეფექტურობისა და უსაფრთხოების გაუმჯობესებას შეუწყო.
Solana-ს ქსელში რეალური აქტივების ტოკენიზაციის (RWA) ბაზარი 23.9%-ით გაიზარდა და 390.6 მილიონ აშშ დოლარს მიაღწია. ეკოსისტემაში ინდივიდუალური პროექტების ზრდა კვლავ გრძელდება: მემკოინების პლატფორმამ Pump.fun შემოსავლების მხრივ წამყვანი პოზიცია შეინარჩუნა, ხოლო პლატფორმამ Axiom Exchange შემოსავალი 641%-ით გაზარდა და მეორე ადგილი დაიკავა.
მაჩვენებლების ზრდა ქსელში ახალი სამიზნე აუდიტორიის მოზიდვაზე მიუთითებს. Messari-ს ანალიტიკოსების ცნობით, Solana ამჟამად სტაბილურობას ავლენს და როგორც საცალო, ასევე კორპორატიულ კლიენტებს იზიდავს.
ცოტა ხნით ადრე, Solana-ს ბლოკჩეინის თავის პლატფორმაში ინტეგრირება კრიპტოვალუტის გადახდის ოპერატორმა BitPay-მ მოახდინა. ახლა მყიდველებსა და გამყიდველებს აქვთ შესაძლებლობა შეინახონ, გაგზავნონ, მიიღონ, გაცვალონ SOL-ის, ასევე Solana-ს ქსელში შექმნილი სტაბილური კრიპტოვალუტებით.
