MiamiCoin-მა ქალაქს 7 მილიონი დოლარი მოუტანა მაიამის მერი

მაიამი გახდა სამხრეთ ფლორიდაში პირველი მუნიციპალიტეტი, რომელმაც ქალაქის ხაზინაში შენატანის განხორციელება
საკუთარ კრიპტოვალუტა MiamiCoin-ით გახადა შესაძლებელი. მერის თქმით, ერთ დღესაც შემოწირულობები გადასახადების ჩანაცვლებას შეძლებენ.

მაიამის მერი ფრენსის სუარესი (Francis Suarez) გეგმავს ქალაქი გადასახადებისგან თავისუფალ, მსოფლიო „კრიპტოვალუტის ინოვაციების ცენტრად“ აქციოს. ამაში მას MiamiCoin დაეხმარება – პროექტ Stacks-ის (STX) პირველი “ქალაქის მონეტა” და ასევე CityCoins გაერთიანების, მუნიციპალიტეტისა და მაიამიის მაცხოვრებლების ერთობლივი მუშაობის შედეგი.

CityCoins-ის პროგრამული უზრუნველყოფის პერსონალურ კომპიუტერებზე ამოქმედებით, ქალაქის მაცხოვრებლები
MiamiCoins-ის მონეტებს ქმნიან და მათი ღირებულების პროცენტს იღებენ. ამასთან, 30% ავტომატურად ერიცხება ქალაქს,
ხოლო დანარჩენ 70%-ს  მომხმარებლები იღებენ.

2021 წლის აგვისტოდან CityCoins-ის პროტოკოლმა მაიამის მუნიციპალურ ბიუჯეტში 7 მილიონ დოლარზე მეტი გადაანაწილა. მაიამის კრიპტოვალუტის საფულე დეპონირებულ MiamiCoins-ის აშშ დოლარში ავტომატურ კონვერტაციას ახდენს, ქალაქის მთავრობა კი წყვეტს როდის და რა მიზნით გამოიყენოს თანხა.

მაიამის მერის შეფასებით, უკვე მომავალ წელს ქალაქი  მინიმუმ 60 მილიონ აშშ დოლარს მიიღებს. თანხა სოციალური
პრობლემების მოგვარებას მოხმარდება.

„წარმოუდგენელია, როდესაც ხვდები, რომ  ქალაქის ცხოვრების გააუმჯობესება გადასახადების გაზრდის გარეშე შეგიძლია. CityCoins-თან პარტნიორობამ უარყო მოსაზრება, რომ ქალაქის განვითარების პროგრამები გადასახადების გაზრდას ან კერძო სექტორისგან ქველმოქმედებას მოითხოვს” – თქვა სუარესმა.

მაიამი იღწვის შექმნას ხელსაყრელი გარემო მაღალტექნოლოგიური კომპანიებისთვის, რომლებიც ცდილობენ ცხელი
ამინდისა და გადასახადების არარსებობის ხარჯზე სარგებელი ნახონ. მერი ქალაქში მაინერებს ეპატიჟება და სამაინინგო
ფერმების მოწყობას სამხრეთ ფლორიდის ელექტროსადგურთან  აპირებს, რაც მათ საკმარისი ელექტრორესურსით
უზრუნველყოფს.

სუარესი დარწმუნებულია, რომ ქალაქის ელექტროქსელებს ეყოფათ სიმძლავრე იმისთვის, რომ მაინერების მოთხოვნები დააკმაყოფილონ და საჭირო დატვირთვას გაუმკლავდნენ. ის სამაინინგო კომპანიებისთვის სხვა სტიმულსაც განიხილავს. მაგალითად, სპეციალური ზონის შექმნას, რომლის რეზიდენტებსაც საგადასახადო და სხვა სახის შეღავათები ექნებათ.

საბოლოოდ, ტურისტული დანიშნულების მქონე ქალაქიდან მაიამი აშშ-ს ტექნოლოგიურ ცენტრად გარდაიქმნება. ქალაქში ოფისი რამდენიმე ტექნოლოგიურმა კომპანიამ უკვე გახსნა, მათ შორის არიან Goldman Sachs, SoftBank და Blackstone. ქალაქში ოფისების გახსნას ბირჟა eToro-ც გეგმავს.   Blockchain.com-მა კი სათაო ოფისის ნიუ-იორკიდან მაიამიში გადატანის შესახებ გამოაცხადა.

წყარო: https://bits.media

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

MiamiCoin-მა ქალაქს 7 მილიონი დოლარი მოუტანა მაიამის მერი