MicroStrategy-მ ბიტკოინის რეზერვები კიდევ 1.1 მილიარდით გაზარდა
მსოფლიოში ბიტკოინის ერთ-ერთმა უმსხვილესმა მფლობელმა ამერიკულმა კომპანიამ MicroStrategy აშშ-ს ფასიანი ქაღალდებისა და ბირჟების კომისიას (SEC) დამატებით 18,300 BTC-ის შენაძენის შესახებ ანგარიში წარუდგინა.
MicroStrategy-ის განცხადებით, კრიპტოვალუტის შეძენა 1 აგვისტოს რამდენიმე მყიდველთან გაფორმებული ხელშეკრულების წყალობით მოხდა, რომლის შედეგადაც კომპანიამ დაახლოებით 2 მილიარდ დოლარად 8,048,449 აქციის გაყიდვა მოახერხა. ბიტკოინის შენაძენი კომპანიამ საშუალოდ 60 408 დოლარად განახორციელა.
„12 სექტემბრის მდგომარეობით, კომპანიისა და მისი შვილობილი კომპანიების მფლობელობაში 244,800 ბიტკოინია.“ – ნათქვამია SEC-ში წარდგენილ ანგარიშში.
MicroStrategy-ის დამფუძნებლისა და აღმასრულებელი თავმჯდომარის მაიკლ სეილორის (Michael Saylor) თქმით, ახლა პირველი კრიპტოვალუტისგან მიღებული კვარტალური შემოსავალი 4.4%-ს შეადგენს, ხოლო წლიური შემოსავალი 17%-ს. მისი განცხადებით, კომპანია ბაზარზე აქციების გაყიდვის ხარჯზე ბიტკოინის შესყიდვის არჩეულ სტრატეგიას მომავალშიც გააგრძელებს.
აქტივში კორპორატიული ინვესტიციების მოზღვავების შედეგად, 2026 წლისთვის მსხვილ კომპანიებში ბიტკოინის რეზერვების მნიშვნელოვანი ზრდის შესახებ ცოტა ხნის წინ კომპანია River Financial-ის მკვლევარებმაც განაცხადეს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)