MicroStrategy-მ წლის მეორე კვარტალში 805 მილიონი დოლარის ბიტკოინი შეიძინა

MicroStrategy-მ წლის მეორე კვარტალში 805 მილიონი დოლარის ბიტკოინი შეიძინა

პროგრამული უზრუნველყოფის ამერიკულმა კომპანიამ MicroStrategy ანგარიში გამოაქვეყნა, რომლის მიხედვითაც 2024 წლის მეორე კვარტალში მან 12,222 BTC 805 მილიონ დოლარად შეიძინა.

პირველი კრიპტოვალუტის მსოფლიოში უმსხვილესი კორპორატიული მფლობელის ბალანსზე ამჟამად 226,500 BTC-ია.

ანგარიშში ნათქვამია, რომ კომპანიამ ბიტკოინების შესაძენად სახსრები ახალი ობლიგაციების გამოშვებით მოიპოვა. MicroStrategy დამატებით 2 მილიარდი დოლარის ღირებულების ობლიგაციების გამოშვებას გეგმავს.

ანგარიშის მიხედვით, ბოლო სამი თვის განმავლობაში მიღებული 111.4 მილიონი დოლარის კვარტალური შემოსავლის ფონზე, კომპანიის ზარალმა 102.6 მილიონი დოლარი (5.74 დოლარი თითო აქციაზე) შეადგინა.

MicroStrategy-მ ასევე Bitcoin Yield-ის სახელწოდებით ეფექტურობის ახალი მაჩვენებელი გაასაჯაროვა. მაჩვენებელი ბიტკოინის აქტივებსა და მიმოქცევაში არსებული კომპანიის აქციებს შორის თანაფარდობის პროცენტულ ცლილებას ასახავს. MicroStrategy-ის განცხადებით, მომდევნო სამი წლის განმავლობაში,
კომპანია ამ მაჩვენებლის წლიური 4%- 8%-მდე შენარჩუნებს გეგმავს.

„კომპანია „ბიტკოინის შემოსავლიანობას“ აქციონერებისთვის ციფრული ოქროს შეძენის სტრატეგიის ეფექტურობის თვალსაჩინოებისთვის იყენებს. ჩვენ უკიდურესად ოპტიმისტურად ვართ განწყობილი კრიპტოვალუტის და პოლიტიკოსების მხრიდან ეკოსისტემის მზარდი მხარდაჭერის მიმართ, რაც ნეშვილში Bitcoin 2024-ის კონფერენციაზე ნათლად გამოჩნდა.“ – ნათქვამია განცხადებაში.

იმის შესახებ, რომ ბიტკოინის მომგებიანობა კლასიკურ საინვესტიციო ინსტრუმენტებს აღემატება, MicroStrategy-ის თანადამფუძნებელ მაიკლ სეილორს (Michael Saylor) არაერთხელ აღუნიშნავს.

მანამდე, ჯორჯ სოროსის საოჯახო საინვესტიციო კომპანიამ George Soros Fund Management MicroStrategy-ის აქციების შესაძენად 159 მილიონი დოლარი გამოყო.