MicroStrategy კრიპტოვალუტის რეზერვების შევსებაზე გადავიდა და კიდევ 328 ბიტკოინი იყიდა. ახლა კომპანია 90 859 ბიტკოინს ფლობს.
MicroStrategy-ს აღმასრულებელმა დირექტორმა მაიკლ სეილორმა (Michael Saylor) 15 მილიონ დოლარად დამატებით 328 ბიტკოინის შეძენის შესახებ გამოაცხადა. კრიპტოვალუტის ბაზრის კორექტირების მიუხედავად, ბიტკოინის ფასის 44 000$-მდე ვარდნა MicroStrategy-მ შენაძენის გასაკეთებლად ხელსაყრელ მომენტად ჩათვალა.
ბიტკოინის ვოლატილობა სეილორს არ აშინებს. მისი აზრით ამ კრიპტოაქტივის მთავარი დანიშნულება წლიური სარგებლის მოტანაა. შენაძენზე განცხადება სეილორმა Twitter-ში გააკეთა. კომპანიამ 328 ბიტკოინი ნაღდი ანგარიშსწორებით შეიძინა კურსით 45710$. ახლა MicroStrategy-ის განკარგულებაში 90 859 ბიტკოინია.
MicroStrategy has purchased an additional ~328 bitcoins for ~$15.0 million in cash at an average price of ~$45,710 per #bitcoin. As of 3/1/2021, we #hodl ~90,859 bitcoins acquired for ~$2.186 billion at an average price of ~$24,063 per bitcoin. $MSTRhttps://t.co/fGH5KacsPI
— Michael Saylor⚡️ (@saylor) March 1, 2021
ბიტკოინში პირველი ინვესტიცია კომპანიამ 2020 წლის აგვისტოში განახორციელა, 250 მილიონ დოლარად 21 454 ბიტკოინის შეძენით. ამის შემდეგ MicroStrategy განაგრძობდა ბიტკოინების შეძენას და 2020 წლის ბოლოსთვის მას უკვე 70 000 ბიტკოინი ჰქონდა. ცოტახნის წინ კომპანიამ გამოაცხადა, რომ აპირებს 690 მილიონი დოლარის ობლიგაციების გამოშვებას ბიტკოინის შეძენისთვის თანხების მოსაზიდად. თუმცა, ობლიგაციების გაყიდვიდან შემოსულმა მოგებამ 1 მილიარდს გადააჭარბა და MicroStrategy-მ დამატებით 19 452 ბიტკოინის შეძენა შეძლო.
სეილორის თქმით, ის ბიტკოინს სპეკულაციური მიზნით არ ყიდულობს, არამედ იმისთვის, რომ კრიპტოვალუტები თანდათან ჩაინერგოს საფინანსო სისტემაში. სეილორის მსგავსად ბიტკოინთან მიმართებაში ენთუზიაზმს ყველა არ ინარჩუნებს. მაგალითად, კრიპტოვალუტის ფონდი FD7 Ventures 750 მილიონი დოლარის ბიტკოინის გაყიდვას აპირებს, რადგან მიიჩნევს, რომ ბიტკოინი „მოძველდა“.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)