ამერიკელმა საიმონ ბირნმა მაინინგის ფერმა საკუთარ ავტომობილში მოაწყო

მაინერმა აშშ-დან Nvidia-ს ვიდეობარათებით საკუთარი BMW i8-ის საბარგულში მაინინგ ფერმა მოაწყო, რომელიც ავტომობილის ჰიბრიდული ელექტროსისტემით იკვებება.

საიმონ ბირნის ფერმა Nvidia RTX 3080s-ის ექვსი ვიდეობარათისგან შედგება, რომლებიც ეთერიუმის მაინინგისთვის გამოიყენება და მუშაობა ავტომობილის მოძრაობის დროს შეუძლია. ფერმა BMW i8-ის ჰიბრიდული აკუმულატორით იკვებება, ამიტომ საბარგული მუდმივად ღია მდგომარეობაში უნდა იყოს, გადახურების თავიდან ასაცილებლად.

სისტემა ASUS B250 Mining Expert-ის პლატით და EVGA SuperNOVA 1600 T2-ის კვების ბლოკით არის აღჭურვილი. ბირნი ამბობს, რომ ფერმა მისთვის შესანიშნავი საშუალებაა გამოიმუშავოს თანხა მოგზაურობის პარალელურად. მას ტრადიციული მაინინგის ფერმაც აქვს, რომელსაც მიმდინარე ფასების პირობებში 128 088 დოლარის წლიური მოგების მოიტანა შეუძლია.

ბირნის BMW-ზე, რომლის ღირებულება 150 000 დოლარია, მიმაგრებულია სანომრე ნიშანი წარწერით HODLER. ავტომობილს 4.4 წუთში 100კმ/სთ სიჩქარის განვითარება შეუძლია, რაც დადებითად აისახება ფერმის გაგრილებაზე. PC Gamer-ის პუბლიკაციის თანახმად, ბირნმა მაინინგის ფერმა ავტომობილში ვიდეობარათებით იმიტომ ააწყო, რათა უბრალოდ „გეიმერები გაებრაზებინა.“

გასულ კვირას Nvidia-ს ხელმძღვანელობამ განაცხადა, რომ მოთხოვნის არსებობის შემთხვევაში, განიხილავს სპეციალურად კრიპტოვალუტების მაინინგისთვის განკუთვნილი ვიდეობარათების გამოშვების განახლებას.

წყარო: https://bits.media/