MoneyGram-მა კრიპტო აქტივებით ვაჭრობის შესაძლებლობა დაამატა
P2P გადახდების განვითარების კუთხით მსოფლიო ლიდერმა კომპანიამ MoneyGram, ბირჟა Coinme -სთან თანამშრომლობით, თავის მობილურ აპლიკაციაში კრიპტოვალუტით ვაჭრობის ინსტრუმენტები დაამატა.
MoneyGram-მა ახალი სერვისის ამოქმედების შესახებ გამოაცხადა, რომელიც მობილური აპლიკაციის საშუალებით მომხმარებლებს კრიპტოვალუტების შეძენის, შენახვისა და გაყიდვის საშუალებას აძლევს.
ახალი ფუნქციონალი MoneyGram-ის მომხმარებლებს ტრანზაქციების განხორციელების შესაძლებლობას ბიტკოინში (BTC), ეთერიუმსა (ETH) და ლაიტკოინში (LTC) მისცემს.
MoneyGram აპლიკაციის გამოყენებით კრიპტოვალუტების ყიდვის, გაყიდვისა და შენახვის ტექნიკური შესაძლებლობა ბირჟა Coinme-თან პარტნიორობის შედეგად გაჩნდა. Coinme უზრუნველყოფს ტექნოლოგიას, რომელიც ფინანსურ სისტემებს, კრიპტო ბანკომატების ოპერატორებსა და ვალუტის გადაცვლის ჯიხურებს კრიპტოვალუტების ნაღდ ფულში კონვერტაციის შესაძლებლობას აძლევს.
პარტნიოროებმა პირველი ერთობლივი პროექტის განხორციელება 2021 წელს დაიწყეს. მიმდინარე წლის იანვარში გადახდის ოპერატორი MoneyGram Coinme-ს მინორიტარი აქციონერი გახდა. MoneyGram-ის წარმომადგენლების განცხადებით, კომპანია სახელმწიფო რეგულაციების ფარგლებში, კრიპტო აქტივების სავაჭრო სიის გაფართოებას აპირებს.
ივლისში MoneyGram-ის გუნდმა Stellar Development Foundation-თან ერთობლივი პროექტის განხორციელების შესახებ გამოაცხადა, რომელიც MoneyGram-ის ფილიალებში ციფრული აქტივების ყიდვისა და განაღდების საშუალებას იძლევა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)