ნაკლებად სავარაუდოა ADA და BTC საერთაშორისო ვალუტა გახდება

Cardano-ს დამფუძნებელი ჩარლზ ჰოსკინსონი მიიჩნევს, რომ საერთაშორისო ვალუტა უნდა იყოს გაცვლის,
ანგარიშსწორებისა და დანაზოგის დაგროვების საშუალება, მაგრამ BTC და ADA ამ აღწერილობას არ შეესაბამება.

Harvard International Review –

სთვის ცოტა ხნის წინ მიცემულ ინტერვიუში ჩარლზ ჰოსკინსონმა გამოთქვა საკუთარი
მოსაზრება იმის შესახებ, თუ რა მახასიათებლები უნდა ჰქონდეს საერთაშორისო ვალუტას. კითხვაზე, შეიძლება თუ არა კრიპტოვალუტა ADA რომელიმე სახელმწიფოს ეკონომიკური საქმიანობის ნაწილი გახდეს, ჰოსკინსონმა უპასუხა,
რომ ნაკლებად სავარაუდოა ADA ოდესმე სახელმწიფო კრიპტოვალუტას გაუტოლდეს. მან დასძინა, რომ
საერთაშორისო ვალუტას ერთდროულად სამი თვისება უნდა ჰქონდეს : გამოიყენებოდეს როგორც გაცვლის საშუალება, გამოიყენებოდეს გადახდებისთვის და უნდა იყოს დანაზოგის დაგროვების საიმედო საშუალება. ჰოსკინსონის თქმით,
ეს თვისებები არც ბიტკოინს აქვს.

„დავუშვათ, რომ მე სალვადორში ვარ და  0.007 BTC- ად საკვების შეძენა მსურს. ამავდროულად, პროდუქტის ღირებულება დოლარში შეიძლება მნიშვნელოვნად მერყეობდეს. ხალხი ყველაფერს დოლარში ზომავს, ამიტომ საჭიროა ინსტრუმენტი, რომელიც  ფასების სტაბილურობასა და პროგნოზირებადობას უზრუნველყოფს, რათა მისი გამოყენება კრედიტებისთვის შეიძლებოდეს.  ვოლატილობა ართულებს ბიტკოინისა და სხვა კრიპტოვალუტების  საკრედიტო ინსტრუმენტად გამოყენებას” – აღნიშნა ჰოსკინსონმა.

მისი თქმით ამ პრობლემის მოგვარება სტეიბლკოინებს, კერძოდ კი სტეიბლკოინ Djed-ს შეუძლია. მას სმარტ
კონტრაქტების მეშვეობით საკუთარი ღირებულების გარკვეულ დონეზე შენარჩუნება შეუძლია ისე, რომ ეკონომიკის მოთხოვნები
დააკმაყოფილოს და დეცენტრალიზებულად დარჩეს.

ინტერვიუში ასევე განიხილეს ცენტრალური ბანკების მიერ ციფრული ვალუტის ამოქმედების თემა. ჰოსკინსონს სჯერა,
რომ სახელმწიფო კრიპტოვალუტა კერძო კრიპტოვალუტებთან „მშვიდობიანად არსებობას“ შეძლებს, რადგან ეს ადამიანებს ფინანსური თავისუფლების მოპოვების საშუალებას მისცემს. 

„ადრე ადამიანებს უფრო მეტად უჭირდათ – მათ სხვა არჩევანი არ ჰქონდათ. ზოგს გაუმართლა, თუ პროგნოზირებადი მონეტარული პოლიტიკის ქვეყანაში დაიბადა , მაგალითად შვეიცარიაში. ვიღაც კი ზიმბაბვეში დაიბადა, სადაც მონეტარული სისტემა სავალალო მდგომარეობაშია. ახლა კი ადამიანებს მათი საცხოვრებელი ადგილის მიუხედავად შეეძლებათ აირჩიონ რა გამოიყენონ: კერძო კრიპტოვალუტა თუ სახელმწიფო სტეიბლკოინები.“- განაცხადა ჰოსკინსონმა

ცოტა ხნის წინ ჰოსკინსონმა მომხმარებლები იმის გამო გააკრიტიკა , რომ მათ ETH-ის მაგალითზე ფასის გასაზრდელად ADA-ს მარაგის ნაწილის დაწვა ურჩიეს. მან განაცხადა, რომ არ აპირებს ხალხის ჩადებული ფულის განადგურებას და ეს შეადარა სუპერმარკეტიდან საკვების მოპარვას .

წყარო: https://bits.media

ნაკლებად სავარაუდოა ADA და BTC საერთაშორისო ვალუტა გახდება