Nasdaq ციფრული აქტივების შენახვის სერვისს აამოქმედებს
კომპანიამ Nasdaq, ამავე სახელწოდების საფონდო ბირჟის ოპერატორმა, 2023 წლის მეორე კვარტალის ბოლომდე კრიპტოვალუტის შენახვის სერვისების ამოქმედების შესახებ გამოაცხადა.
Nasdaq-ის უფროსი ვიცე პრეზიდენტისა და ციფრული აქტივების ხელმძღვანელის, ირა აუერბახის (Ira Auerbach) თქმით, კომპანია საჭირო ტექნიკური ინფრასტრუქტურის შექმნისა და შესაბამისი მარეგულირებელი ორგანოებისგან ლიცენზიების მიღების პროცესშია.
სწორედ ამ მიზნით, კომპანიამ ახალი ბიზნეს მიმართულების შექმნისთვის ნებართვის მოსაპოვებლად ნიუ-იორკის ფინანსური სერვისების დეპარტამენტს (NYDFS) მიმართა.
ყველა აუცილებელი საორგანიზაციო აქტივობა, სავარაუდოდ მიმდინარე წლის მეორე კვარტალში უნდა დასრულდეს. კრიპტოაქტივების შენახვის სერვისის ამოქმედება კი 2023 წლის პირველ ნახევარში იგეგმება.
საწყის ეტაპზე ახალი პლატფორმა ბიტკოინისა და ეთერიუმის შენახვის მომსახურებას კერძო მომხმარებლებს გაუწევს.
შემდეგი ნაბიჯი სერვისების კორპორატიული კლიენტებისთვის შეთავაზება და ხელმისაწვდომი აქტივების სიის გაფრთოება იქნება.
Nasdaq-ის მიერ ციფრული აქტივების შენახვის სერვისის შეთავაზების შესახებ პირველად 2022 წლის სექტემბერში გახდა ცნობილი.
იმავე პერიოდში, კომპანიამ Gemini Prime-ის ყოფილი ხელმძღვანელი, ირა აუერბახი დაიქირავა.
Nasdaq-ის განცხადებით, სწორედ აუერბახი უხელმძღვანელებს ახალ სერვისს, რომელიც კრიპტოაქტივების ბაზარზე კონკურენციას ისეთ კომპანიებს გაუწევს, როგორიცაა BitGo, Coinbase, BNY Mellon და State Street.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)