NetWalker-ის ჰაკერს 20 წლიანი პატიმრობა მიუსაჯეს

 NetWalker-ის ჰაკერს 20 წლიანი პატიმრობა მიუსაჯეს

ჰაკერულ დაჯგუფება NetWalker-ის წევრს 20 წლიანი პატიმრობა მიუსაჯეს.

აშშ-ს სასამართლომ კანადის მოქალაქეს, რომელსაც ბრალად ჰაკერების დაჯგუფება NetWalker-ის წევრობა ედება, 20 წლით თავისუფლების აღკვეთა შეუფარდა. NetWalker  მომხმარებელთა სერვერების გაშიფრვის გზით მომხმარებლებს კრიპტოვალუტას სძალავდა.

ვაშონ-დეჟარდენი (Sebastien Vachon-Desjardins) კანადის პოლიციამ 2021 წელს დააკავა. სახლის ჩხრეკისას სამართალდამცავებმა მიაგნეს საფულეს 719 ბიტკოინით, რაც მაშინ თითქმის 22 მილიონ დოლარს შეადგენდა და 742 000 კანადურ დოლარს.  ჰაკერი მოგვიანებით აშშ-ს პოლიციას გადასცეს, რომლის მოთხოვნითაც  განხორციელდა დააკავება.

ჰაკერების ჯგუფი NetWalker რუსულენოვანია. თუმცა, სასამართლოს თქმით, კანადელი მონაწილე „ერთ-ერთი ყველაზე აქტიური იყო.“ 

NetWalker-ის ჰაკერები თავს ათეულობით მსხვერპლს დაესხნენ.  ზოგიერთი ცნობით კი, მსხვერპლთა რაოდენობამ 400 კომპანიას და სამთავრობო უწყებას მიაღწია. შედეგად, ჰაკერებმა გამოსასყიდის სახით სულ მცირე 40 მილიონი დოლარი მიიღეს.

ვაშონ-დეჟარდენი ადრე კანადის მთავრობის შესყიდვებისა და მომსახურების ოფისში მუშაობდა. მან დანაშაული ოთხ პუნქტში აღიარა.

ამასთან, კანადელმა თანამზრახველები არ გაამხილა, რამაც მოსამართლე უილიამ იუნგის (William Jung)  გაბრაზება გამოიწვია. მოსამართლემ ჰაკერს „21-ე საუკუნის ჯესი ჯეიმსი“ უწოდა.

ალბათ ამიტომაც მიიღო ვაშონ-დეჟარდენმა ხანგრძლივი სასჯელი – რადგან პროკურორებმა უფრო მცირე ვადა მოითხოვეს.

 სამართალდამცავი ორგანოების მიერ ჩატარებული ამ ოპერაციის შემდეგ, ჰაკერულმა ჯგუფებმა აქტივობას მოუკლეს. ზოგიერთმა კი, მათ შორის ჯგუფმა Ziggy ,  საქმიანობის შეწყვეტის შესახებ გამოაცხადა.