NFT თამაშების მოგებამ 2.32 მილიარდი შეადგინა

NFT თამაშების მოგებამ 2.32 მილიარდი შეადგინა

Blockchain Gaming Alliance-ის (BGA) ცნობით, DeFi-ში მეტასამყაროების საბაზრო კაპიტალიზაციამ  4,6 მილიარდი დოლარის რეკორდულ მაჩვენებელს მიაღწია.

BGA-ს მიერ გამოაქვეყნებულ მოხსენებაში  ნათქვამია, რომ ბლოკჩეინის სათამაშო სექტორი ზრდას განაგრძობს და NFT ბაზარზე დომინირებს.

2021 წლის III კვარტალში  NFT-ს გლობალურ ბაზარზე მისმა წილმა დაახლოებით 22% შეადგინა. ანგარიშის თანახმად, მხოლოდ ივლის-სექტემბის პერიოდში NFT თამაშების შემოსავალმა  2,32 მილიარდი დოლარი შეადგინა.

ანგარიშის ავტორებმა  მეტასამყაროების ბაზარი შეისწავლეს. მათი მონაცემებით, ვირტუალური მიწების ჯამურმა ღირებულებამ 42,6 მილიონ დოლარს მიაღწია,

ხოლო ვირტუალური სამყაროს დეცენტრალიზებული აპლიკაციების (DeFi) მთლიანმა საბაზრო კაპიტალიზაციამ ნოემბრის ბოლოს რეკორდული მაჩვენებელი – 4,6 მილიარდი დოლარი შეადგინა.

თამაშების სმარტ კონტრაქტებთან ურთიერთმოქმედი უნიკალური აქტიური საფულეების რაოდენობა 6,566%-ით გაიზარდა.

ანგარიშის ავტორები ყურადღებას ამახვილებენ მნიშვნელოვან ინვესტიციებზე იმ კომპანიებში, რომლებიც 2021 წელს ბლოკჩეინზე თამაშების შემუშავებით იყვნენ დაკავებული.

BGA-ს მაგალითად ჰონგ-კონგში დაფუძნებული სათამაშო პროგრამული უზრუნველყოფის კომპანია Animoca Brands მოჰყავს, რომელმაც მაისში 88 მილიონი აშშ დოლარი მოიზიდა, ივლისში 138 მილიონი დოლარი, ხოლო ოქტომბერში 65 მილიონი აშშ დოლარი, რამაც მისი საბაზრო კაპიტალიზაცია 2,2 მილიარდ დოლარამდე გაზარდა. მოხსენების ავტორები ყურადღებას ამახვილებენ Cryptokitties-ის დეველოპერი Dapper Labs-ის შემთხვევაზეც, რომელმაც მსოფლიო შოკში თავისი NBA Top Shot პროექტის 230 მილიონ დოლარად გაყიდვით ჩააგდო. თამაში Axie Infinity კი რეკორდსმენი გახდა და NFT გაყიდვებით თითქმის 4 მილიარდი დოლარი მოაგროვა.

DappRadar-ის თანადამფუძნებელი დრაგოს დუნიკა (Dragos Dunica)

მიიჩნევს, რომ ასეთი ზრდა პროექტების მეტასამყაროში გაერთიანებამდე გაგრძელდება. 

 Blockchain Gaming Alliance-ის (BGA) ოქტომბერში გამოქვეყნებული ანგარიშის მიხედვით, ივლისში ბლოკჩეინის ბაზაზე არსებულ თამაშებს კრიპტოვალუტის საფულეები 804 000-მა  უნიკალურმა მომხმარებელმა მიაბა. ამგვარად, თამაშებზე მიბმული კრიპტოვალუტის საფულეების რიცხვმა მათი საერთო რაოდენობის 50% შეადგინა. კომპანია Grayscale-ის შეფასებით, მომდევნო რამდენიმე წელიწადში მეტასამყაროების წლიური შემოსავალი 1 ტრილიონ დოლარს მიაღწევს და ეს სექტორი უდიდეს კონკურენციას Web 2.0-ს გაუწევს. ბირჟა FTX-ის აღმასრულებელი დირექტორის, სემ ბენკმან-ფრიდის (Sam Bankman-Fried) აზრით, 2022 წელს NFT კონტენტისა და ვიდეოთამაშების ბაზრებზე კიდევ უფრო გაფართოვდება. 

წყარო: https://bits.media/