Nvidia-ს მაინინგ ჩიპების გაყიდვების შემოსავალმა 77%-ით იკლო.
ვიდეო ბარათების უმსხვილესი მწარმოებლის Nvidia-ს შემოსავალი მაინინგ ჩიპების გაყიდვიდან 2021 წლის ბოლო კვარტალში 24 მილიონ დოლარამდე შემცირდა.
მესამე კვარტალის მაჩვენებლებთან შედარებით კლებამ 77% შეადგინა. მესამე კვარტალი კი ფინანსური ანგარიშის თანახმად, არც თუ ისე წარმატებული იყო.
მთლიანობაში, ფისკალური წლის განმავლობაში, კომპანიამ მაინინგ ჩიპების გაყიდვებიდან 550 მილიონი დოლარის შემოსავალი მიიღო. მეოთხე კვარტალში, ამ მიმართულების გარდა, ზრდა ყველა სხვა აქტივობამ აჩვენა. მაგალითად, სათამაშო ვიდეო ბარათების გაყიდვები 37%-ით გაიზარდა.
Nvidia-მ მის მიერ წარმოებულ ვიდეო ბარათებზე კრიპტოვალუტების მაინინგისას ჰეშრეითი სპეციალურად შეზღუდა.
თუმცა კომპანიის ზომები ნაკლებად ეფექტური გამოდგა. ეს სპეციალიზებულ მაინინგ მოწყობილობებზე დაბალი მოთხოვნის ერთ-ერთი პირველი მიზეზი გახდა.
ასევე 2021 წელს, Nvidia ფინანსური კონგლომერატისგან SoftBank კომპანია Arm-ის შესყიდვას აპირებდა. თუმცა გარიგება მარეგულირებლების მიერ არ დამტკიცდა.
მანამდე გავრცელდა ინფორმაცია, რომ კომპანია Intel, რომელიც Arc არქიტექტური მქონე საკუთარ ვიდეო ამაჩქარებლებზე მუშაობს, თავის მოწყობილობებზე კრიპტოვალუტის მაინინგის შეზღუდვას არ გეგმავს.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)