OKX კონფიდენციალური კრიპტოვალუტების დელისტინგს განახორციელებს

OKX კონფიდენციალური კრიპტოვალუტების დელისტინგს განახორციელებს

კრიპტოვალუტის ბირჟა OKX-ის განცხადებით, ის ლისტინგიდან რამდენიმე სპოტ სავაჭრო წყვილის ამოღებას აპირებს. საუბარია ეგრეთ წოდებულ კონფიდენციალურ მონეტებზე, როგორიცაა Monero, Dash, Zcash და Horizen. მიზეზი: შეუძლებელია იმის განსაზღვრა, თუ ვინ ახორციელებს ოპერაციებს ჩამოთვლილი აქტივებით.

OKX-ის განცხადების თანახმად, 2024 წლის 4 იანვრიდან შეწყდება შემდეგი წყვილებით სპოტ ვაჭრობის მხარდაჭერა: KSM-USDC, FLOW-USDC, JST-USDC, KNC-USDC, ANT-USDC, FSN-USDT, ZKS-USDT, CAPO-USDT და CVP-USDT.

5 იანვარს კი სავაჭრო პლატფორმიდან წაიშლება XMR-BTC, XMR-ETH, XMR-USDT, XMR-USDC, DASH-BTC, DASH-USDT, ZEC-BTC, ZEC-USDT, ZEC-USDC, ZEN-BTC და ZEN -USDT.

პლატფორმა მომხმარებლებს ურჩევს მითითებულ სავაჭრო წყვილებზე მოცემულ თარიღებამდე ყველა შეკვეთა გააუქმონ.

თუ მომხმარებლები არაფერს მოიმოქმედებენ, ბირჟა „ორდერებს“ ავტომატურად გააუქმებს. 27 დეკემბრის მდგომარეობით, OKX-მა უკვე შეაჩერა დეპოზიტები კრიპტო აქტივებისთვის FSN, ZKS, CAPO, CVP, XMR, DASH, ZEC და ZEN.

თანხის გატანა 2024 წლის 5 მარტიდან შეწყდება.

„სავაჭრო გარემოს სანდოობის შესანარჩუნებლად, ჩვენ მუდმივად ვაკვირდებით წყვილების მუშაობას და ლისტინგის კვალიფიკაციას რეგულარულად განვიხილავთ. მომხმარებელთა გამოხმაურებისა და არსებული პროცედურების საფუძველზე, ჩვენ რამდენიმე სავაჭრო წყვილის ამოღებას ვაპირებთ, რომლებიც პლატფორმაზე განთავსებისთვის ჩვენს კრიტერიუმებს არ აკმაყოფილებენ .“ – ნათქვამია OKX-ის ოფიციალურ განცხადებაში.

დეკემბერში კრიპტო ბირჟა OKX-მა ჰაკერების თავდასხმა განიცადა.

შედეგად, სმარტ-კონტრაქტის უსაფრთხოების შესაძლო დარღვევის გამო ბირჟამ 2,7 მილიონ დოლარზე მეტი დაკარგა. თუმცა, პლატფორმა მომხმარებლებს ყველა დანაკარგის ანაზღაურებას დაჰპირდა.

OKX კონფიდენციალური კრიპტოვალუტების დელისტინგს განახორციელებს