OpenSea ირანელი მომხმარებლების ანგარიშებს ბლოკავს

OpenSea ირანელი მომხმარებლების ანგარიშებს ბლოკავს

აშშ-ს სანქციების გამო  საკოლექციო ტოკენების ირანელმა შემქმნელებმა და მფლობელებმა წვდომა როგორც საკუთარ ანგარიშებზე, ისე OpenSea ბაზარზეც  დაკარგეს. 

OpenSea-ს ირანელმა მომხმარებელმა, სახელად Bornosor.eth Twitter-ზე განაცხადა, რომ სავაჭრო პლატფორმაზე მისი ანგარიში ბლოკირებულია. 

ის აღშფოთებულია ამ ფაქტით და ამტკიცებს, რომ საკოლექციო ტოკენების (NFT) ბევრი შემქმნელი და მფლობელი ექაუნთის წაშლისა და დაბლოკვის წინაშე აღმოჩნდა.

„ OpenSea-ზე ჩემი სავაჭრო ანგარიში ყოველგვარი შეტყობინებისა და ახსნა-განმარტების გარეშე გაუქმდა/წაიშალა.

ბევრი მსგავსი მესიჯი შემხვდა სხვა ირანელი მხატვრებისა და კოლექციონერებისგან. რა ჯანდაბა ხდება? – წერდა Bornosor.eth.

მსგავსი განცხადებები Twitter-ზე კიდევ რამდენიმე ირანელმა მომხმარებელმა გამოაქვეყნა, მათ ერთვოდა „სქრინშოტები“ სადაც ნაჩვენები იყო,

რომ მათი ანგარიშის ისტორია წაშლილია. კოლექციონერმა მომხმარებლებმაც იგივე პრობლემაზე განაცხადეს – მათი ანგარიშები და კოლექციები წაშლილი დახვდათ.  

ამერიკულმა კომპანიამ OpenSea, რომლის სათაო ოფისიც ნიუ-იორკში მდებარეობს,  სანქციების ქვეშ მყოფი ქვეყნების მიმართ პოლიტიკის გამკაცრების შესახებ გამოაცხადა. 

„OpenSea იმ მომხმარებლებსა და ტერიტორიებს ბლოკავს, რომლებიც აშშ-ს სანქცირებულთა სიაშია შეტანილი. ეს ეხება როგორც ჩვენი სერვისებით სარგებლობას, ისე OpenSea-ზე NFT-ების ყიდვას, გაყიდვას ან გადაცემას. თუ აღმოვაჩენთ, რომ ცალკეული ფიზიკური პირები  ჩვენი სანქციების პოლიტიკას არღვევენ, ჩვენ ანგარიშების დასაბლოკად შესაბამის ზომებს დაუყოვნებლივ მივიღებთ.“ – განაცხადა სავაჭრო პლატფორმის წარმომადგენელმა.

2020 წელს ირანის მთავრობამ ქვეყანაში კრიპტოვალუტების გამოყენების შესახებ კანონში ცვლილებები შეიტანა და იმპორტირებული საქონლის გადასახდელად კრიპტოვალუტის გამოყენება დაუშვა. მიმდინარე წლის დასაწყისში ირანის ხელისუფლებამ განაცხადა, რომ აპირებს შექმნას პლატფორმა, სადაც ადგილობრივ კომპანიებს ექსპორტისა და იმპორტისთვის ციფრული ვალუტებით გადახდა შეეძლებათ.

გარდა ამისა, ირანის ცენტრალურმა ბანკმა გამოაცხადა, რომ საკუთარი ციფრული ვალუტის გამოშვებისთვის ემზადება, რაც  ეკონომიკური პრობლემების , მათ შორის აშშ-ს სანქციებით გამოწვეულ პრობლემების გადაჭრას შეუწყობს ხელს.