სტივენ ჰარპერი: „ბიტკოინი შესაძლოა გლობალური სარეზერვო ვალუტა გახდეს“

კანადის ყოფილი პრემიერ-მინისტრი სტივენ ჰარპერი მიიჩნევს, რომ ბიტკოინი შესაძლოა აშშ დოლარის ალტერნატივა გახდეს გლობალური სარეზერვო ვალუტის სახით.

ჰარპერმა აღნიშნა, რომ აშშ დოლარი თავის პოზიციებს თმობს, ციფრულმა ვალუტამ კი, ბიტკოინისა და სახელმწიფო კრიპტოვალუტების ჩათვლით, შესაძლოა თანდათანობით ჩაანაცვლოს ამერიკული დოლარი მსოფლიო სარეზერვო ვალუტის პოზიციაზე. მან ცალკე ყურადღება გაამხვილა ევროსა და ჩინური იუანის ციფრულ ვერსიებზე, თუმცა, ეჭვი გამოთქვა, რომ ეს აქტივები მსოფლიო სარეზერვო ვალუტები გახდებიან. 

„ოქროსა და ბიტკოინის გარდა, რთული წარმოსადგენია აშშ დოლარის, როგორც მსოფლიო სარეზერვო ვალუტის, ალტერნატივა. თუმცა, მიუხედავად იმისა, რომ ჩემი აზრით,  ეს სია გაფართოვდება, აშშ დოლარი მაინც ძირითად სარეზერვო ვალუტად დარჩება,“ – განაცხადა კანადის ყოფილმა პრემიერ-მინისტრმა.

ჰარპერი ახლო მომავალში სახელმწიფო კრიპტოვალუტების აღზევებას ელოდება. ის შიშობს, რომ ასეთ ვალუტებს შეუძლია რიგი ქვეყნების ცენტრალური ბანკები ფინანსური რეგულატორის ნაცვლად „საბანკო მონოპოლიად“ აქციონ.

„საერთო ჯამში, ცენტრალური ბანკის მიზანია ინფლაციის კონტროლი და სტაბილური ვალუტის უზრუნველყოფა. ციფრული ვალუტები ამ ამოცანას ამარტივებენ, ეს არის ერთგვარი ბაზრის ევოლუცია. მაგრამ ციფრულმა ვალუტამ შესაძლოა შეცვალოს ცენტრალური ბანკების როლი, რაც ძალიან მაღელვებს,“ – აცხადებს ჰარპერი.

შეგახსენებთ, რომ დეკემბრის დასაწყისში საინვესტიციო კომპანია BlackRock-ის დირექტორმა ლარი ფინკმა განაცხადა, რომ ბიტკოინი რეალურ ზეწოლას ახდენს აშშ დოლარზე, რადგან მას საერთაშორისო ბაზარზე გრძელვადიანი ინვესტორებისთვის ნაკლებად მნიშვნელოვანს ხდის. 

წყარო: https://bits.media/