Check Point: „თაღლითები დარქნეტში COVID-19 -ის საწინააღმდეგო ვაქცინას ბიტკოინებზე ყიდიან“

საინფორმაციო უსაფრთხოების ისრაელურმა კომპანიამ Check Point დარქნეტში COVID-19-ის საწინააღმდეგო ვაქცინის უამრავი თაღლითური შემოთავაზება აღმოაჩინა.  

რამდენიმე ქვეყანამ უკვე წარმოადგინა კორონავირუსის საწინააღმდეგო ვაქცინები. უამრავ ადამიანს არ სურს დაელოდოს ოფიციალური საყოველთაო ვაქცინაციის დაწყებას. მათ სურვილებზე ხელის მოთბობას თაღლითები ცდილობენ – Check Point-ის ანალიტიკოსების მონაცემებით, დარქნეტში ვაქცინის ბიტკოინზე გაყიდვის რამდენიმე ასეული შეთავაზება იქნა აღმოჩენილი. უნდა აღინიშნოს, რომ ჯერ კიდევ დეკემბერში ასეთი შეთავაზებების რიცხვი 80-ს არ აღემატებოდა.

„სამწუხაროდ, სანამ ბევრი ჩვენგანი ვაქცინის მოლოდინშია, ზოგიერთს სიხარბე ამოძრავებს. ისინი ცდილობენ ადამიანების მღელვარებითა და ვირუსისგან თავის არიდების სურვილით ისარგებლონ,“ – აცხადებენ კომპიუტერული უსაფრთხოების სპეციალისტები.

ანალიტიკოსების მონაცემებით, თუ ადრე შემოთავაზებული ვაქცინის ფასი 250$ იყო, ახლა 500 და 1000 დოლარსაც კი ითხოვენ გაურკვეველი წარმოშობის პრეპარატში. Check Point – ის სპეციალისტებმა ექსპერიმენტი ჩაატარეს და ერთ-ერთ გამყიდველს 750$-ად „ჩინეთში წარმოებული“ ვაქცინის ერთი დოზა შეუკვეთეს. ბიტკოინების გადარიცხვის შემდეგ მან ექაუნთი გააუქმა.

მკვლევართა განცხადებით, ეს ყველაფერი მოთხოვნის ზრდას უკავშირდება: ადამიანებს არ სურთ ვაქცინაციას კვირები და თვეები ელოდონ.

წყარო: https://bits.media