პარაგვაი-ჩინელი მაინერების კიდევ ერთი თავშესაფარი

პარაგვაი-ჩინელი მაინერების კიდევ ერთი თავშესაფარი

ჩინელი მაინერები არა მხოლოდ ყაზახეთსა და შეერთებულ შტატებში გადადიან. დატაცენტრების განთავსებისთვის
მაინინგ კომპანიების ყურადღება სამხრეთ ამერიკაში მდებარე სახელმწიფომ მიიპყრო.

ხელისუფლების მიერ დევნილმა ჩინელმა (და არამარტო) მაინერებმა ე.წ „მწვანე“ მაინინგ ფერმების განთავსების
ადგილად  განახლებადი ჰიდროელექტროენერგიის რეზერვების მქონე ქვეყანების განხილვა დაიწყეს. ასეთ ფერმებზე
ბიტკოინების და ალტკოინების მოპოვება გარემოსთვის ზიანის მიყენების გარეშეა შესაძლებელი. ივნისში გავრცელდა
ინფორმაცია, რომ რვა ჩინური სამაინინგო კომპანია ბიზნესის პარაგვაიში გადატანას აპირებს.

მათ შორისაა ჩინური მაინინგ კომპანია Future Fintech. ბიტკოინის მომპოვებელი დატაცენტრის პარაგვაიში
განთავსების შესახებ კომპანიამ ცოტა ხნის წინ გამოაცხადა. Future Fintech-ის აღმასრულებელი დირექტორის
თქმით, კომპანია შეთავაზებულ ტერიტორიას შეისწავლის, რათა ახალ ლოკაციაზე ბიზნესის შემდგომი განვითარების
სტრატეგია დასახოს. კომპანიამ ყურადღება გაამახვილა იმ მხარდაჭერაზე, რომელსაც პარაგვაის მთავრობა კრიპტოვალუტის მომპოვებელ ბიზნესს უწევს.

„ჩვენ ვგეგმავთ  პარაგვაიში კომპანიის განვითარების შესაძლებლობა ყურადღებით შევაფასოთ. პარაგვაიში ჰიდროენერგიისა და სხვა განახლებადი ენერგიების ანალიზისთვის ადგილობრივ კონსულტანთთან ვიმუშავებთ.  არანაკლებ მნიშვნელოვანია მაინინგ ფერმების მშენებლობის ადგილებისა და იმ საშეღავათო პოლიტიკის შესწავლა, რომელსაც კაპიტალდაბანდების შემთხვევაში მივიღებთ.“

 კრიპტოვალუტის მაინინგისთვის მნიშვნელოვანი არა მხოლოდ ფულადი ფაქტორია, არამედ პოლიტიკური სტაბილურობა, საკანონმდებლო ბაზა, ქვეყნანაში ინვესტიციების უსაფრთხოების დონე და მხოლოდ შემდეგ ელექტროენერგიის ღირებულება. პარაგვაიში, აშშ-სთან ან კანადასთან შედარებით, ელექტროენერგია გაცილებით ნაკლები ღირს – 1 კვტ/სთ 0,01 დოლარზე ნაკლები.

მაინინგ კომპანიებისთვის პარაგვაიში ბიზნესის გადატანის შემაკავებელი ფაქტორი მაინინგის მარეგულირებელი საკანონმდებლო ბაზის არარსებობა შეიძლება გახდეს. უკანასკნელი კანონპროექტი, რომელიც მაინინგის რეგულირების წესს განსაზღვრვდა იმდენად წარუმატებელი იყო, რომ მისი მიღება არ მოხდა. მიმდინარე წლის ივნისში პარაგვაიმ სალვადორის მსგავსად ბიტკოინის გადახდის საშუალებად აღიარების შესაძლებლობა განიხილა. მაგრამ, იმ დეპუტატის თქმით, რომელმაც საკითხი დააყენა, კანონპროექტში არ არის ინფორმაცია იმის შესახებ, რომ ბიტკოინი საქონლისა და მომსახურებისთვის ანგრიშსწორების ფიატურ ფულთან გათანაბრებულ საშუალებად იქნება აღიარებული.

წყარო: https://bits.media

პარაგვაი-ჩინელი მაინერების კიდევ ერთი თავშესაფარი