PayPal-ის თანადამფუძნებელმა ბიტკოინის მთავარი მტრები დასახელა

PayPal-ის თანადამფუძნებელმა  ბიტკოინის „მთავარი მტრები“ დასახელა

PayPal-ისა და Palantir Technologies-ის თანადამფუძნებელმა Berkshire Hathaway-ის მფლობელ უორენ ბაფეტსა და მსხვილი კომპანიების რამდენიმე სხვა ხელმძღვანელს  „ბიტკოინის მთავარი მტრები“ უწოდა.

მისი აზრით, სწორედ ისინი აფერხებენ ბიტკოინის განვითარებას.

Bitcoin 2022-ის კონფერენციაზე გამოსვლისას პიტერ თილმა (Peter Thiel) საინვესტიციო კომპანიების რამდენიმე ხელმძღვანელი გააკრიტიკა.

პირველ რიგში, Berkshire Hathaway-ის ხელმძღვანელს, უორენ ბაფეტს (Warren Buffett) „გადაუარა“ – „ბებერი ფსიქოპატი“ და „ბიტკოინის ნომერ პირველი მტერი“ უწოდა.

ბაფეტი  პირველი კრიპტოვალუტის მწვავე მოწინააღმდეგედ ითვლება. მისი აზრით, ბიტკოინს მხოლოდ კრიმინალები და შარლატანები იყენებენ.

BlackRock-ის აღმასრულებელი დირექტორი ლარი ფინკი და JPMorgan Chase-ის აღმასრულებელი დირექტორი ჯეიმი დიმონი ტიელმა აღწერა, როგორც „გერონტოკრატები“, რომლებიც ეწინააღმდეგებიან კრიპტოვალუტებს.

თილმა ასევე  კომპანია BlackRock-ის აღმასრულებელი დირექტორი ლარი ფინკი (Larry Fink) და ფინანსური კონგლომერატის JPMorgan Chase-ის აღმასრულებელი დირექტორი ჯეიმი დაიმონი (Jamie Dimon) გააკრიტიკა.

მან ფინკსა და დაიმონს „გერონტოკრატები“ უწოდა, რომლებიც კრიპტოვალუტების დანერგვის წინააღმდეგ გამოდიან.

თილი დარწმუნებულია, რომ პირველი კრიპტოვალუტის მიმართ ამ ადამიანების ნეგატიური დამოკიდებულება  მიზანმიმართულია. ბიტკოინის ენთუზიასტმა ფინანსური მაგნატები შეთქმულებაში და ისეთი სისტემის შექმნაში დაადანაშაულა, რომელიც  ბიტკოინის წინააღმდეგ ინსტიტუციურ და პოლიტიკურ მიკერძოებას უწყობს ხელს.

მისი აზრით, ბაფეტი, ფინკი და დაიმონი ცდილობენ რიგითი ინვესტორების მიერ კრიპტო აქტივებში ინვესტირებას ხელი შეუშალონ, ამიტომ მათი გამომჟღავნებისა და საკადრისი პასუხის გაცემის დრო დადგა.

თილმა ასევე აღნიშნა, რომ იმისათვის, რომ ბიტკოინის ფასმა  დაახლოებით 4,3 მილიონ დოლარს მიაღწიოს, მისი დანერგვა მსხვილმა კომპანიებმა და ფინანსურმა ინსტიტუტებმ უნდა განახორციელონ.

უმცა, მისივე თქმით, ბიტკოინის „მტრებს“ შესწევთ საკმარისი ძალა, რათა  მონეტარული სისტემის ტრანსფორმაცია თავიდან აიცილონ.

„ცენტრალური ბანკები გაკოტრდნენ. დადგა ქაღალდის ფულის რეჟიმის დასასრული. წილების მფლობელობაც ნაწილობრივ სახელმწიფოს უკავშირდება.

ის კომპანიებიც კი, რომლებიც ბიტკოინის პოტენციალს აღიარებენ, სახელმწიფო აკონტროლებს.

ბიტკოინი ალტერნატიული ფინანსური სისტემის მწვერვალია. ბიტკოინი არ არის გადახდის სისტემა ან ციფრული ოქრო. ის უფრო  S&P 500-ს ან ზოგადად საფონდო ბაზარს ჰგავს“- თქვა თილმა.

გასული წლის შემოდგომაზე, როდესაც ბიტკოინმა  ყველა დროის მაქსიმუმს, 67,000$-ს მიაღწია, თილმა განაცხადა, რომ ისურვებდა თავის დროზე მასში მეტი ინვესტიცია განეხორციელებინა.

მან ასევე აღნიშნა, რომ კრიპტოვალუტის ბაზრის ზრდა  სახელმწიფო ვალუტების მაღალ ინფლაციაზე მიუთითებს.