PayPal-ის მომხმარებლებს კრიპტოფიშინგის ახალი ტალღა ემუქრებათ
კომპანია Trend Micro-ს მკვლევარები PayPal -ის მომხმარებლებს ბლოკჩეინსა და კრიპტოვალუტებთან დაკავშირებული ბიზნესებიდან მომდინარე თაღლითობის ახალი ტალღის შესახებ აფრთხეილებენ.
თაღლითები სოციალური ინჟინერიის გავრცელებულ ტექნიკას იყენებენ და მომხმარებლებს საგადახდო სისტემა PayPal-ის ოპერატორებად ეცნობიან. პოტენციურ მსხვერპლს ლექტრონული ფოსტით კრიპტოაქტივების შესყიდვისთვის ანგარიშიდან თანხის ჩამოჭრის ყალბი შეტყობინება მოსდის.
დამაჯერებლობისთვის თაღლითები ანგარიშებში ცნობილი კრიპტოვალუტის კომპანიების სახელებს და მათ აქტივებს – Terra Luna Classic, Oasis Network, Bitcoin Exchange, Stellar XLM, TrueUSD და სხვას იყენებენ.
ყალბი გადასახადის შეტყობინებას „მომხმარებელთა დახმარების“ ტელეფონის ნომერი და თანხებისა და პირადი მონაცემების
მისათვისებლად ფიშინგის ბმულების ნაკრები ახლავს თან. მსხვერპლს სთხოვენ რომ, ოპერაციის გასაჩივრებისთვის მათ ნებისმიერი ხელსაყრელი გზით დაუკავშირდეს.
ამ ეტაპზე, თაღლითები PayPal ანგარიშის ავთენტიფიკაციისთვის პერსონალურ ინფორმაციაზე წვდომის მიღებას და ტროიანული პროგრამების ჩატვირთვას ცდილობენ.
კიბერუსაფრთხოების პროვაიდერი Trend Micro PayPal-ის მომხმარებლებს აფრთხილებს, მოულოდნელ და არაავტორიზებულ გადახდებთან დაკავშირებით სიფრთხილე გამოიჩინონ.
მით უმეტეს, თუ ასეთ შეტყობინებებს ელექტრონული ფოსტით მიიღებენ.
PayPal-მა აგვისტოში გამოაცხადა, რომ მომხმარებლებს საშუალებას მისცემს BTC, ETH, BCH და LTC გარე მისამართებზე, მათ შორის ბირჟებზე და საფულეებზე გადაიტანონ.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)