Polychain-ის CEO პოსტების ტოკენიზაციის იდეით გამოვიდა

Polychain-ის CEO პოსტების ტოკენიზაციის იდეით გამოვიდა

Polychain-ის აღმასრულებელმა დირექტორმა ოლაფ კარლსონ-ვიმ (Olaf Carlson-Wee) სოციალურ ქსელების პლატფორმებს მემკოინების გამოყენებით გამოქვეყნებული კონტენტის ტოკენიზაციის იდეა შესთავაზა.

სინგაპურში გამართულ კონფერენციაზე Token2049 გამოსვლისას, Polychain-ის აღმასრულებელმა დირექტორმა წუხილი გამოთქვა იმის გამო, რომ მსხვილი კომპანიები მემკოინებს აზარტული თამაშების ინსტრუმენტებად მიიჩნევენ. ისეთი ძირითადი კრიპტოვალუტებისგან განსხვავებით, როგორიც ბიტკოინი და ეთერიუმია, რომლებშიც ბიზნესებს ინფლაციური რისკებისგან თავის დასაცავად გრძელვადიანი ინვესტიციების განხორციელება შეუძლიათ, კომპანიები მემკოინებს უაღრესად სპეკულაციურ აქტივებად მიიჩნევენ, რომლებსაც შინაგანი ღირებულება არ გააჩნიათ.

კორპორატიული ინვესტორები მემეკოინებს მათი მაღალი ვოლატილობის გამო არ ენდობიან. მსხვილი ფონდები და ტრადიციული კომპანიები  მემეკოინებთან მუშაობას ერიდებიან, აღნიშნა კარლსონ-ვიმ.

თუმცა, სიტუაცია განსხვავებულია მცირე ინვესტორების შემთხვევაში, რომლებიც მემკოინებს მათი ვირუსულობის გამო აფასებენ. კარლსონ-ვის თქმით, საცალო ვაჭრობის წარმომადგენლები მემკოინებს ღირებულების გამო იშვიათად ყიდულობენ.

მისი მოსაზრებით, ტოკენის სახით შექმნილ ცნობილ მემს მხოლოდ საზოგადოებრივი ინტერესის გაზრდის ხარჯზე უზარმაზარი კაპიტალის მოზიდვა შეუძლია. კარლსონ-ვიმ სოციალური მედიის პოსტების ტოკენიზაციის იდეა გააჟღერა, რაც საზოგადოების განწყობაზე დაყრდნობით მონეტიზაციის ახალ ფორმას შექმნის.

Polychain-ის აღმასრულებელი დირექტორის აზრით, პოსტების ტოკენიზაციის შემთხვევაში სოციალური მედია რადიკალურად შეიძლება გარდაიქმნას. ბლოკჩეინ ტექნოლოგიას არსებული სარეკლამო მოდელების ჩანაცვლება შეუძლია. ამ შემთხვევაში, პოსტის შემქმნელები თავიანთი კონტენტის პოპულარობით ისარგებლებენ. მომხმარებლებს კრიპტოაქტივებით ვაჭრობა თავიანთი ანგარიშების გამოყენებით შეეძლებათ, ხოლო ტრანზაქციის საკომისიო ხელახლა გამოქვეყნებულ პოსტებზე დაერიცხებათ. ამ შემთხვევაში, კონტენტის შემქმნელები არა მხოლოდ მოწონებებსა და გამოწერებს, არამედ ვირუსული პოსტებიდან ხელშესახებ შემოსავალს მიიღებენ.

წყარო: https://crypto.news/polychain-ceo-on-memecoins-and-tokenizing-social-media/