by shaksen 
Quantum Solutions-მა 1.9 მილიონი დოლარის ღირებულების Ethereum გაყიდა AI ბიზნესის გაფართოებისთვის
იაპონურმა Quantum Solutions-მა, რომელიც ერთ-ერთი უმსხვილესი კორპორატიული Ethereum-ის მფლობელია ქვეყანაში, 1,000 ETH გაყიდა, რის შედეგადაც 1.9 მილიონი დოლარი მიიღო. კომპანიამ განაცხადა, რომ მიღებული თანხა ხელოვნური ინტელექტის (AI) მიმართულების განვითარებას, მონაცემთა დამუშავების ცენტრების (Data Center) მომსახურებასა და GPU-ების შესყიდვას მოხმარდება.
გარიგება 30 ივლისს კომპანიის ჰონგ-კონგის შვილობილმა კომპანიამ GPT Pals Studio-მ განახორციელა. თითო Ethereum-ის საშუალო გაყიდვის ფასი 1,903 დოლარი იყო.
Quantum Solutions-ის Ethereum-ის მარაგი შემცირდა
ტრანზაქციის შემდეგ Quantum Solutions-ის ბალანსზე 4,764 ETH დარჩა. თუმცა კომპანია ელოდება, რომ მიმდინარე ფინანსური წლის მეორე კვარტალში აღნიშნული ოპერაცია დაახლოებით 17 მილიონი იენის (106,000 დოლარის) ზარალს გამოიწვევს, რადგან მიმდინარე წელს Ethereum-ის საშუალო შესყიდვის ფასი 3,595 დოლარს შეადგენდა.
შედარებისთვის, ივნისის დასაწყისში კომპანიის საკუთრებაში 6,668.8 ETH იყო.
Quantum Solutions-მა ლიდერის პოზიცია დაკარგა
Ethereum-ის გაყიდვის შემდეგ Quantum Solutions-მა იაპონიაში უმსხვილესი კორპორატიული ETH მფლობელის სტატუსი დაკარგა. ამჟამად პირველ ადგილზე ტოკიოში დაფუძნებული Def Consulting იმყოფება, რომელიც 4,976 ETH-ს ფლობს.
ამასთან, კომპანიამ საკუთარი პოლიტიკაც შეცვალა და Ethereum-ის გასაყიდად დასაშვები მაქსიმალური მოცულობა 1,875 ETH-დან 4,375 ETH-მდე გაზარდა.
მანამდე Quantum Solutions-მა უკვე 904 ETH გაყიდა, რაც ნიშნავს, რომ არსებული ლიმიტის ფარგლებში 30 ოქტომბრამდე კიდევ 2,471 ETH-ის გაყიდვა შეუძლია. კომპანიას არ დაუკონკრეტებია, აპირებს თუ არა მთელი პორტფელის გაყიდვას. გადაწყვეტილება დამოკიდებული იქნება ბაზრის მდგომარეობაზე, დაფინანსების საჭიროებებსა და AI პროექტების პროგრესზე.
Ethereum-ის ფასი და ბაზრის მდგომარეობა
ბოლო ერთი თვის განმავლობაში Ethereum-ის ფასი დაახლოებით 20%-ით გაიზარდა და 1,890 დოლარს მიაღწია. მიუხედავად ამისა, ბოლო 24 საათში ვაჭრობის მოცულობა 28.4%-ით შემცირდა და 8.13 მილიარდი დოლარი შეადგინა.
ამ დროისთვის Ethereum-ის საბაზრო კაპიტალიზაცია 228.06 მილიარდ დოლარს აღწევს.
შეგახსენებთ, რომ მიმდინარე წლის მარტში Ethereum Foundation-მა 5,000 ETH კომპანია BitMine Immersion Technologies-ს 10.2 მილიონ დოლარად მიჰყიდა. ფონდის განცხადებით, მიღებული თანხა Ethereum-ის ეკოსისტემის კვლევასა და განვითარებას მოხმარდება.
