Reddit-ის თანადამფუძნებლის ეთერიუმში ინვესტიცია 546.000%-ით გაიზარდა
სომხური წარმომავლობის ბიზნესმენმა 2014 წელს 50 000 ეთერიუმის შესაძენად 15 000 დოლარი დახარჯა. როგორც Reddit-ის თანადამფუძნებელმა Forbes-თან ინტერვიუში განაცხადა, იმ დროს ეთერიუმის კურსი 0,3 დოლარს შეადგენდა, მიმდინარე გაცვლითი კურსით კი, მისი ინვესტიციები 82,3 მილიონ დოლარად არის შეფასებული.
ალექსის ოჰანიანის (Alexis Ohanian) თქმით, ის ნანობს, რომ მეტი ეთერიუმი არ იყიდა:
„როცა უკან ვიხედები, ვხვდები, რომ უფრო მეტის ინვესტირება უნდა მომეხდინა.“
თანხის დაბანდების იდეა ისეთ რამეში, რასაც სახელმწიფო ვერ არეგულირებს 2014 წელს
ოჰანიანს საინტერესოდ მოეჩვენა. ნაწილობრივ მისი ოჯახის ისტორიის გამო, რომელმაც მე-20 საუკუნის დასაწყისში თურქეთის მხრიდან დევნა და შევიწროება განიცადა.
„ადამიანთა ნებისმიერი ჯგუფისთვის, რომელსაც ცნობიერებაში ან კოლექტიურ ისტორიაში აქვს წარმოდგენა დევნის, განსაკუთრებით კი სახელმწიფოს მხრიდან დევნის შესახებ, ძალიან მიმზიდველია ისეთი ინვესტიციის იდეა, რომელსაც ვერც ერთი სახელმწიფო ვერ გააკონტროლებს. ასე რომ, გარკვეულწილად, მაშინ ეს იყო რამაც ჩემში დეცენტრალიზებული ვალუტის მიმართ მიმღებლობა გააჩინა.“
დეკემბერში ცნობილი გახდა, რომ ოჰანიანის კუთვნილი კომპანია Seven Seven Six კრიპტოვალუტაზე ორიენტირებული საკუთარი ფონდისთვის Kryptós 177 მილიონი დოლარის მოზიდვას აპირებს.
ფონდის რეკლამაში ნათქვამია, რომ ამჟამად ბაზარზე არსებული სიტუაცია ძლიერ კომპამიებში სარფიანი ინვესტირების შესაძლებლობას წარმოადგენს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)