დომენური სახელების რეგისტრატორმა GoDaddy გასაყიდად Bitcoin.com-ის დომენი განათავსა, რომელიც როჯერ ვერს ეკუთვნის. ვერის საჩივრის შემდეგ განცხადება აიღეს.
დომენის მფლობელმა განცხადებას „100%-ით ფეიკი“ უწოდა და GoDaddy-ს მისი აღების მოთხოვნით მიმართა. დომენის გასაყიდ ფასად 100 მილიონი დოლარი იყო მითითებული.
„რატომ ყიდით ჩემს დომენურ სახელს? ის არ იყიდება! გთხოვთ, მოაცილეთ ეს ფეიკი, რომელიც ჩემი ბრენდის რეპუტაციას ზიანს აყენებს.“ – მისწერა Bitcoin.com-ის მფლობელმა GoDaddy-ს ტექნიკური დახმარების პერსონალს.
GoDaddy-მ მფლობელის მოთხოვნა დააკმაყოფილა, თუმცა არანაირი ოფიციალური კომენტარი არ გაუკეთებია.
Bitcoin.com როჯერ ვერს 2014 წლიდან ეკუთვნის. ადრე ის დომენს Blockchain.com-ისა და OKCoin-ის სერვისებზე აქირავებდა. 2016 წლიდან კი Bitcoin.com-ის ბრენდის ქვეშ საკუთარი კრიპტოვალუტის სერვისების განვითარება წამოიწყო. ახლა საიტს თვეში დაახლოებით 7.7 მილიონი ვიზიტორი ჰყავს.
წარსულში როჯერ ვერი ბიტკოინის ერთ-ერთი უმსხვილესი მფლობელი და Bitcoin Cash-ის შექმნის ერთ-ერთი ინიციატორი იყო. 2016 წელს ის 300000 ბიტკოინს ფლობდა.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)