by Maria 
Ripple ახალი უოლ სტრიტი გახდება
Teucrium-ის აღმასრულებელმა დირექტორმა სალ გილბერტიმ (Sal Gilbertie) განმარტა, თუ რატომ აქვს მონეტა XRP-ის ემიტენტ კომპანია Ripple-ს გლობალური ფინანსური სისტემის რადიკალურად შეცვლის პოტენციალი.
მისი თქმით, ეს შესაძლებელი გახდა კომპანიის მიერ მრავალმხრივი პრაიმ ბროკერის, Hidden Road-ის შეძენის წყალობით, რომელიც ახლა Ripple Prime-ის სახელით იმუშავებს. Ripple ბლოკჩეინის გამოყენებით, პრაიმ ბროკერმა თითქმის ველა აქტივის კლასში მყისიერი ანგარიშსწორება უნდა უზრუნველყოს.
„Ripple ახალი უოლ სტრიტისთვის შესანიშნავი დასაწყისი იქნება. ეს არის ფინანსური კონცეფცია, სადაც აქტივები მყისიერად ურთიერთქმედებენ, ლიკვიდურობა შეუზღუდავია და ყველა ტრანზაქცია ბლოკჩეინ ტექნოლოგიით ხორციელდება.“- განმარტა გილბერტიმ.
მან ხაზი გაუსვა, რომ Ripple-ის სტრატეგია ტრადიციულ ფინანსურ სისტემაში ანგარიშსწორების სირთულეების აღმოფხვრაზეა ორიენტირებული. გილბერტი იმედოვნებს, რომ სამდღიანი საბანკო გადარიცხვები მალე წარსულს ჩაბარდება და ანგარიშსწორება მყისიერი იქნება. ბლოკჩეინის წყალობით, ტრანზაქციები გამჭვირვალე იქნება, რაც ამ მოდერნიზებული გადახდის ინფრასტრუქტურას არა მხოლოდ კერძო კომპანიებისთვის, არამედ სამთავრობო უწყებებისთვისაც შესაფერისს გახდის.
„ბიტკოინი ღირებულების ციფრული საცავია. ეს ბრწყინვალე იდეაა, მაგრამ XRP-ს აქვს საკუთარი, სრულიად ლეგიტიმური გამოყენების შემთხვევა. მიმაჩნია, რომ XRP ფინანსური ანგარიშსწორებისთვის შესანიშნავი სამუშაო მოდელია და ის მხოლოდ გაუმჯობესდება.“ – თქვა გილბერტიმ.
აგვისტოში გილბერტიმ ივარაუდა, რომ XRP-ს SWIFT-ის საერთაშორისო საბანკო გადარიცხვების სისტემის ჩანაცვლება შეუძლია, რადგან Ripple-მა ადრე საბანკო ლიცენზიის მისაღებად განაცხადი შეიტანა, რამაც კომპანიის მსხვილ ბანკად გადაქცევის შანსები უნდა გაზარდოს.
წყარო: https://x.com/SMQKEDQG/status/1981837691877544427
სიახლეების გამოწერა
