Robinhood-ზე კრიპტოვალუტით ვაჭრობის მოცულობა 43%-ით შემცირდა

Robinhood-ზე კრიპტოვალუტით ვაჭრობის მოცულობა 43%-ით შემცირდა

ამერიკული ფინანსური კომპანია Robinhood-ის განცხადებით, მის ონლაინ პლატფორმაზე კრიპტოვალუტით ვაჭრობის მოცულობა მიმდინარე წლის აპრილთან შედარებით მაისში  43%-ით შემცირდა.

კომპანიის წარმომადგენლებმა აღიარეს, რომ მაისში მათ კრიპტოვალუტით ვაჭრობის მოცულობის მკვეთრი ვარდნა განიცადეს – რაც ერთ თვეში 2,1 მილიარდ დოლარს შეადგენს.

ხოლო წლის განმავლობაში, კრიპტოვალუტით ვაჭრობის მოცულობა 68%-ით დაეცა.

მაისში 22%-ით შემცირდა კრიპტოვალუტით ვაჭრობიდან მიღებული საშუალო დღიური შემოსავალიც  და შარშანდელთან შედარებით 53%-ით ნაკლები შეადგინა, აღნიშნა კომპანიამ.

ამ დროს, აქციებით ვაჭრობის მოცულობა კვლავაც მაღალი დარჩა.

გასულ კვირას, აშშ-ს ფასიანი ქაღალდებისა და ბირჟების კომისიის (SEC) კრიპტობირჟების Binance-ისა და Coinbase-ის წინააღმდეგ შეტანილი საჩივრების ფონზე, Robinhood-მა თავის პლატფორმაზე  ერთდროულად სამი კრიპტოვალუტის დელისტინგის გადაწყვეტილების შესახებ გამოაცხადა.

კომპანიამ 2023 წლის 27 ივნისიდან  Cardano-ს (ADA), Polygon-ისა (MATIC) და Solana-ს (SOL) მხარდაჭერის შეწყვეტის გადაწყვეტილება მიიღო.

Robinhood-მა ასევე ხელმისაწვდომი აქტივების სიიდან ისეთი აქტივების ამოღების განზრახვის შესახებ გამოაცხადა, რომლებიც თეორიულად შესაძლოა აშშ-ს მოქმედ კანონმდებლობას არღვევდეს.

აშშ-ს ფასიანი ქაღალდებისა და ბირჟების კომისიის (SEC) თანახმად, ფასიანი ქაღალდების კატეგორიაში : Solana (SOL), Cardano (ADA), Polygon (MATIC), Coti (COTI), Algorand (ALGO), Filecoin (FIL), Cosmos (ATOM), Sandbox (SAND), Axie infinity (AXS) და Decentraland (MANA) შედიან.