აქციებითა და კრიპტოვალუტებით ვაჭრობისთვის განკუთვნილმა აპლიკაციამ Robinhood მომხმარებლების რიცხვის გაზრდის შესახებ ანგარიში წარადგინა. მაჩვენებელმა 9.5 მილიონი შეადგინა, რაც წინა კვარტალის მონაცემებზე 558%-ით მეტია.
კრიპტოვალუტებით ვაჭრობის ფუნქცია აპლიკაციას 2018 წლიდან დაემატა და თავდაპირველად განსაკუთრებული პოპულარობით არ სარგებლობდა. ციფრული ვალუტებით თვეში 200000-მდე მომხმარებელი ვაჭრობდა. თუმცა, ბოლო ექვს თვეში კრიპტოვალუტებისადმი ინტერესი მნიშვნელოვნად გაიზარდა.
თუ 2020 წლის IV კვარტალში ციფრული აქტივებით მოვაჭრე მომხმარებლების რიცხვი 1.7 მილიონს შეადგენდა, 2021 წლის I კვარტალში მაჩვენებელი 9.5 მილიონამდე გაიზარდა. Robinhood Crypto-ს ოპერაციულმა დირექტორმა, კრისტინა ბრაუნმა (Christine Brown) აღნიშნა:
„Robinhood Crypto ავამოქმედეთ იმისთვის, რომ ჩვენს მომხმარებლებს პლატფორმაზე წარმოდგენილი აქტივების დიდი არჩევანის გარდა, კრიპტოვალუტების ყიდვა-გაყიდვაც შეძლებოდათ. გასაკეთებელი ჯერ კიდევ ბევრია, ჩვენ აქტიურად ვვითარდებით. წლის დასაწყისიდან, კრიპტოვალუტის პროდუქტებზე მომუშავე გუნდი სამჯერ გაიზარდა და განაგრძობს ზრდას.“
2020 წლის ბოლოს Robinhood-ის პლატფორმა მომხმარებლებისთვის ინფორმაციის დაფარვისთვის 65 მილიონი აშშ დოლარით დაჯარიმდა. აპლიკაციამ ტრეიდერები სავალდებულო სავაჭრო მოსაკრებლის შესახებ არ გააფრთხილა.
წყარო:https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)