ედუარდ სნოუდენი სახელმწიფო კრიპტოვალუტები ბოროტებაა

ედუარდ სნოუდენი სახელმწიფო კრიპტოვალუტები ბოროტებაა

NSA-ს ყოფილი ტექნიკური სპეციალისტი ედუარდ სნოუდენი წერს, რომ ცენტრალური ბანკების ციფრული
ვალუტები შეთქმულებაა საზოგადოების წინააღმდეგ და ნამდვილი კრიპტოვალუტების პრინციპებს ამახინჯებს.

აშშ-ს ეროვნული უშიშროების სააგენტოს ყოფილი თანამშრომელი ტვიტერზე წერს, რომ ხელისუფლება
სახელმწიფო კრიპტოვალუტას მოქალაქეებისთვის საკუთარ ფულზე საკუთრების უფლების წასართმევად იყენებს.
დოლარის ფულადი მასის უმეტესი ნაწილი უკვე გაციფრულებულია, ამიტომ სნოუდენის აზრით, ხელისუფლება
სახელმწიფო კრიპტოვალუტებს კრიპტოაქტივებისა და ეკონომიკის ფინანსური სექტორის დიგიტალიზაციის
მხარდასაჭერად არ იყენებს.

”CBDC არის კრიპტოვალუტების არსის, მათი ძირითადი პრინციპებისა და პროტოკოლების დამახინჯება. ეს არის ფაშისტური ვალუტა – ბოროტი ორეული, რომელიც მოქალაქეებისთვის საკუთარ ფულზე საკუთრების უფლების ჩამოსართმევად გამოიყენება. იმისთვის, რათა სახელმწიფო აკონტროლებდეს და თანამონაწილე იყოს თითოეული ტრანზაქციის.“

სნოუდენმა აღნიშნა, რომ სამთავრობო კრიპტოვალუტა შეიძლება მოქალაქეების ფულის გასაკონტროლებლად იქნას
გამოყენებული. მას მაგალითად მოჰყავს დაცვის თანამშრომელი, რომელსაც ექიმმა ნაკლები შაქრის მიღება ურჩია.
რისკების თავიდან ასაცილებლად იმ კომპანიას, სადაც დაცვის თანამშრომელია დაზღვეული, შეუძლია მისი
ჯანმრთელობის შესახებ მონაცემები გადასცეს სამთავრობო უწყებას, რომელიც მის ციფრულ საფულეს ადევნებს
თვალყურს. თუ მცველი ექიმის რეკომენდაციებს იგნორირებას გაუწევს და შოკოლადის ყიდვას შეეცდება , მაშინ
ის ვერ შეძლებს გადაიხადოს სახელმწიფო კრიპტოვალუტით.

სნოუდენი დარწმუნებულია, რომ ჩინეთში კრიპტოვალუტის აკრძალვა ბიტკოინის ზრდის პერსპექტივებზე არ იმოქმედებს. ცოტახნის წინ მან გამოთქვა მოსაზრება, რომ სამთავრობო და კომერციულ ორგანიზაციებში ბლოკჩეინის გამოყენების მთავარი მიზეზი არის ნდობა. მან ბიტკოინის ბლოკჩეინი მისი გამჭვირვალობის გამო გააკრიტიკა და განაცხადა, რომ საჯარო რეესტრი საიმედო სავაჭრო მექანიზმთან შეუთავსებელია.

წყარო: https://bits.media

ედუარდ სნოუდენი სახელმწიფო კრიპტოვალუტები ბოროტებაა