სალვადორის მოსახლეობის 70% ბიტკოინის წინააღმდეგია

ცენტრალური ამერიკის უნივერსიტეტის მიერ ჩატარებული გამოკითხვის თანახმად,  სალვადორის მაცხოვრებელთა 70%
ქვეყანაში ბიტკოინის ლეგალიზების შესახებ კანონის შემოღებას მხარს არ უჭერს.

ხოსე სიმეონე კანიასის სახელობის ცენტრალური ამერიკის უნივერსიტეტის მიერ ჩატარებული გამოკითხვის ფარგლებში
13 დან 20 აგვისტოს ჩათვლით პერიოდში 1281 ადამიანის გამოკითხვა მოხდა. სალვადორის ყოველი ათი მაცხოვრებლიდან
შვიდს სურს, რომ მთავრობამ შეცვალოს კანონი, რომელიც მიმდინარე წლის 7 სექტემბრიდან ბიტკოინს კანონიერი გადახდის საშუალების სტატუსს მიანიჭებს.

გამოკითხულთა 20% არ ენდობა ბიტკოინს, 43% კი მიიჩნევს, რომ ბიტკოინი სალვადორის ეკონომიკის დესტაბილიზაციას გამოიწვევს. ოპტიმისტური განწყობა გამოკითხულთა მხოლოდ 17%-ში დაფიქსირდა, რომელთა აზრითაც ბიტკოინს ქვეყანაში ეკონომიკური სიტუაციის გაუმჯობესება შეუძლია.

გამოკითხვამ აჩვენა, რომ ციფრულ საფულე Chivo-სა და 30$-ის ღირებულების ბიტკოინების უფასო დარიგებას მოსახლეობაში განსაკუთრებული ენთუზიაზმი არ გამოუწვევია. საფულის მიმართ ინტერესი მხოლოდ 5.5%-მა გამოავლინა. ხოლო 65%-მა განაცხადა, რომ  მის გამოყენებას არ აპირებს. კითხვაზე უნდა იყოს თუ არა მოსახლეობისთვის ბიტკოინით სარგებლობა სავალდებულო, აბსოლიტურმა უმრავლესობამ – 96%-მა უპასუხა, რომ ეს ნებაყოფლობითი უნდა იყოს. რესპოდენტების
ნახევარზე მეტი დარწმუნებულია, რომ კანონის შემოღების შემდეგ პროდუქტებზე ფასები მკვეთრად მოიმატებს.

 „ჩვენ მიგვაჩნია, რომ ამ კანონის შემოღების ნაცვლად, რომელზეც 203 მილიონ აშშ დოლარზე მეტი დაიხარჯა,
შეიძლებოდა ქვეყნის უსაფრთხოების, ჯანდაცვისა და განათლების სფეროების განვითარების მხარდაჭერა მომხდარიყო.
ეს კანონი სალვადორის ხალხს სარგებელს არ მოუტანს, პირიქით, ეკონომიკურ ზიანს მიაყენებს.“- განაცხადა მანდატურთა
კავშირის მდივანმა სტენლი კვინტეროსმა (Stanley Quinteros).

ივნისში კრიპტოვალუტების არასაკმარისი გამჭვირვალობისა და მაინინგთან დაკავშირებული ეკოლოგიური პრობლემების მიზეზით, მსოფლიო ბანკმა სალვადორის მთავრობას ბიტკოინის ქვეყნის საფინანსო პოლიტიკაში ინტეგრაციისთვის ხელის შეწყობაზე  უარი განუცხადა.

წყარო: https://bits.media

სალვადორის მოსახლეობის 70% ბიტკოინის წინააღმდეგია

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას