by Giorgi 
Samourai Wallet-ის დამფუძნებლებს პატიმრობა მიესაჯათ
ნიუ-იორკის სასამართლომ კრიპტოვალუტის მიქსერ Samourai Wallet-ის ორ თანადამფუძნებელს კეონ როდრიგესს (Keonne Rodriguez) და ვილიამ ჰილსს (William Hill) ხუთი და ოთხი წლით თავისუფლების აღკვეთა მიუსაჯა.
განაჩენი ნიუ-იორკის სამხრეთ ოლქის მოსამართლე დენიზ კოუტმა (Denise Cote) 6 და 19 ნოემბერს გამოიტანა. როდრიგესი შეერთებულ შტატებში 2024 წლის აპრილში დააკავეს. ჰილის დაკავება პორტუგალიაში მოხდა, ხოლო მისი შეერთებულ შტატებში ექსტრადირება 2024 წლის ივლისში განახორციელეს.
სასამართლომ კრიპტო სერვის Samourai Wallet-ის ყველა აქტივის კონფისკაცია მოითხოვა, რომელთა საერთო ღირებულება 6.3 მილიონ დოლარს შეადგენს.
თითოეულ მსჯავრდებულს ასევე 250,000 დოლარის ოდენობის ჯარიმის გადახდა დაეკისრა და სასჯელის მოხდის შემდეგ სამი წლის ვადით სამართალდამცავების ზედამხედველობა განესაზღვრათ.
Samourai Wallet 2015 წლიდან ფუნქციონირებდა და მომხმარებლებს კრიპტოაქტივების წარმომავლობის დასამალად სპეციალურ კონფიდენციალურობის ინსტრუმენტებს სთავაზობდა.
გამომძიებლების თქმით, Samourai Wallet-ს 2 მილიარდ დოლარზე მეტი ღირებულების 80 000-ზე მეტი ბიტკოინი ჰქონდა დამუშავებული.
სასამართლოს მტკიცებით, როდრიგესმა და ჰილმა სერვისი Samourai Wallet სოციალურ მედიაში შეგნებულად გაავრცელეს, როგორც „ბიტკოინების გათეთრების“ საშუალება და კრიმინალებს თანამშრომლობისკენ მოუწოდებდნენ.
პროკურატურის მხრიდან დეველოპერების ბრალი კვალიფიცირდა, როგორც დანაშაულებრივი გზით მოპოვებული ფულის გათეთრების მიზნით არალიცენზირებული ბიზნესის ექსპლუატეცია.
ცოტა ხნით ადრე, აშშ-ის ფასიანი ქაღალდებისა და ბირჟების კომისიის (SEC) კომისარმა ჰესტერ პირსმა (Hester Peirce)
განაცხადა, რომ ღია კოდის პროგრამული უზრუნველყოფის შემქმნელები მათ მიერ შექმნილი სერვისების ტექნოლოგიური შესაძლებლობების უკანონოდ გამოყენებისთვის სამართალდამცავი ორგანოების სამიზნე არ უნდა გახდნენ.
სიახლეების გამოწერა
