უაიომინგის შტატის სენატორმა, სინტია ლამისმა, ფინანსური ინოვაციების ფორუმის გახსნის შესახებ განაცხადა, რომლის მიზანი მთავრობაში ციფრული აქტივების შესახებ ცნობიერების ამაღლებაა.
კონფერენციაზე აშშ-ს სენატის წევრები და პოლიტიკოსები გაეცნობიან ბიტკოინის და სხვა კრიპტოვალუტების თავისებურებებს და ასევე შეისწავლიან ბლოკჩეინის გამოყენების შესაძლებლობებს სხვადასხვა საქმიანობის სფეროში. ეს ინიციატივა საშუალებას იძლევა დაიმსხვრეს ყალბი სტერეოტიპები კრიპტოვალუტების შესახებ, რომელთა თანახმად მათი გამოყენება მხოლოდ ფინანსური ტერორიზმისა და ფულის გათეთრებისთვის ხდება. მაგალითად, აშშ-ს ფინანსთა მინისტრი ჟანეტ იელენი (Janet Yellen) შიშობს, რომ ციფრული აქტივები შეიძლება გამოყენებულ იქნას კრიმინალური მიზნებისთვის. პოლიტიკოსების ასეთმა დამოკიდებულებამ კრიპტოვალუტის ინდუსტრიის მიმართ რეგულაციები შეიძლება კიდევ უფრო გაამკაცროს.
სინტია ლამისის (Cynthia Lummis) განცხადებით, ფორუმის მთავარი მიზანია დაუმტკიცოს მთავრობას, რომ მისი უნდობლობა საფუძველსაა მოკლებული. თუმცა, მარეგულირებელ ორგანოსთან ღია დიალოგის საწარმოებლად ბევრი დრო და ძალისხმევა იქნება საჭირო. ზოგიერთი პოლიტიკოსი კრიპტოაქტივების წინააღმდეგ უკვე წინასწარ არის განწყობილი, ისე რომ მათი მუშაობის პრინციპს არც გაცნობია. ამის მიუხედავად, ლამისი დარწმუნებულია, რომ კრიპტოვალუტების გამოყენებით ბევრად ნაკლები დანაშაული ხდება, ვიდრე ნაღდი ფულის. მისი აზრით რეგულაციებმა ადგილი უნდა დატოვონ ინოვაციებისთვის.
სენატორი ლამისი ცნობილია თავისი დადებითი დამოკიდებულებით ბიტკოინის მიმართ. ის ერთ-ერთი პირველი ადრეული „ჰოდლერი“ გახდა, რომელმაც BTC 2013-2014 წლებში შეიძინა. სენატორმა ბიტკოინი სასარგებლო წიაღისეულის ნდობის ფონდს შეადარა, რომელსაც ის ზედამხედველობას 2000-იან წლებში უაიომინგის სახელმწიფო ხაზინაში მუშაობის დროს უწევდა.
„როდესაც სასარგებლო წიაღისეული ამოიწურება, ჩვენ მაინც დაგვრჩება შემოსავალი, რადგან მიღებული მოგება სხვა აქტივებში დავაბანდეთ. იგივეა ბიტკოინთან მიმართებაშიც,“- აცხადებს სენატორი.
შეგახსენებთ, რომ დეკემბერში ლამისმა უაიომინგის შტატის პოლიტიკის დირექტორად ტაილერ ლინდჰოლმი (Tyler Lindholm) დანიშნა, რომელსაც „კრიპტოკოვბოის“ უწოდებენ. ლინდჰოლმი ასევებიტკოინის მომხრედ მიიჩნევა და მხარს უჭერს ციფრული აქტივების ინდუსტრიის განვითარებას.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)