ჩინეთის ქალაქ შენჟენის მთავრობამ, სახელმწიფო კრიპტოვალუტის ტესტირების ფარგლებში, 20 მილიონი ციფრული იუანის მესამე „უფასო ლატარეის“ შესახებ გამოაცხადა.
ადგილობრივი მედიის ცნობით, ღონისძიება ჩინეთში საგაზაფხულო ფესტივალის ფარგლებში ჩატარდება. ლატარეაში მონაწილეობის მიღება შეეძლებათ საწარმოთა თანამშრომლებსა და ხელმძღვანელებს ლუნჰუას ოლქში, რომელმაც ინიციატივა დააფინანსა.
ლატარეის ყოველ გამარჯვებულს 200 მონეტა ერგება. შემდეგ მათ უნდა ჩამოტვირთონ სპეციალური პროგრამა ციფრული იუანებისთვის, რომელთა დახარჯვა 3 500 მაღაზიაში იქნება შესაძლებელი. მონეტების დახარჯვა 1-ლიდან 9 თებერვლის ჩათვლით უნდა მოხდეს.
წინამორბედი ლატარეები შენჟენის ყველა მაცხოვრებლისთვის იყო გახსნილი. ჩინეთის სახალხო ბანკის პირველი ციფრული ვალუტის ტესტირება ოქტომბერში გაიმართა – ქალაქის ადმინისტრაციამ 50 000 მაცხოვრებელს შორის 10 მილიონი ციფრული იუანი გაანაწილა.
წლის დასაწყისში შენჟენში მეორე ტესტირება ჩატარდა, რომლის დროსაც 100 000-მა მაცხოვრებელმა 20 მილიონი ციფრული იუანი მიიღო. ანალოგიური ღონისძიებები ჩინეთის ქალაქ სუჟოუს ხელისუფლებამაც ჩაატარა.
მანამდე ჩინეთის სახალხო ბანკის ყოფილმა მმართველმა ჟოუ სიაოჩუანმა განაცხადა, რომ ციფრული იუანი არ შეცვლის ჩვეულებრივ ფულს და საფრთხეს არ შეუქმნის სხვა ქვეყნების ვალუტებს. პირიქით, ციფრული იუანი მიმართულია საერთაშორისო ვაჭრობის განვითარებისკენ.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)