Shiba Inu-ს დეველოპერები ბლოკჩეინის კონფიდენციალურობას გააუმჯობესებენ

Shiba Inu-ს დეველოპერები ბლოკჩეინის კონფიდენციალურობას გააუმჯობესებენ

კრიპტო პროექტ Shiba Inu-ს გუნდი მასშტაბური განახლებისთვის ემზადება, რომელიც მეორე დონის ბლოკჩეინ Shibarium-ს სრულად ჰომომორფულ დაშიფვრაზე (FHE) დაფუძნებულ კონფიდენციალურობის ფუნქციას შესძენს.

ამ ფუნქციაზე მუშაობა 2024 წლის თებერვალში დაიწყო. Shiba Inu-მ სტრატეგიული პარტნიორობა გამოაცხადა პარიზში დაფუძნებულ კომპანია Zama.ai-სთან, რომელიც კონფიდენციალურობაზე ორიენტირებულ ღია კოდის მქონე პროდუქტებს ქმნის.

Shiba Inu-ს მარკეტინგის სპეციალისტის ლუსის (Lucie) განმარტებით, 2026 წლის მეორე კვარტლის ბოლომდე FHE-მ ბლოკჩეინ Shibarium-ზე არსებული ჭკვიანი, მათ შორის BONE ტოკენით განხორციელებული ტრანზაქციების საკომისიოს გადახდებისთვის გამოყენებული კონტრაქტების სრული კონფიდენციალურობა უნდა უზრუნველყოს.

ლუსიმ Zama-ს პროტოკოლის განვითარების სკრინშოტი გამოაქვეყნა, რომელიც Ethereum-ის სატესტო ქსელ Sepolia-ში უკვე გაეშვა.

2026 წლის პირველ ნახევარში Zama Ethereum-ის ვირტუალური მანქანის თავსებადი ბლოკჩეინების, მათ შორის Shibarium-ის მხარდაჭერის გაფართოებას გეგმავს. მომავალი წლის მეორე ნახევარში Zama ასევე Solana-ზე დაფუძნებული მთავარი ქსელის ამოქმედებას გეგმავს.

Zama-ს სრული ჰომომორფული დაშიფვრა (FHE) Shibarium-ში არსებულ ჭკვიან კონტრაქტებს შესაყვანი დაშიფრული მონაცემების კონფიდენციალურობის შენარჩუნებით დამუშავებისა და გადაცემის შესაძლებლობას მისცემს.

FHE შესაძლოა ანონიმურ საფულეებთან ურთიერთქმედებისთვისა და კონფიდენციალური დეცენტრალიზებული ფინანსური (DeFi) პროტოკოლების ამოქმედებისთვის იქნას გამოყენებული. FHE ასევე ბლოკჩეინ Shibarium-ის უსაფრთხოებისა და კონკურენტუნარიანობის გაუმჯობესებას მოემსახურება.

ქსელი Shibarium 2023 წლის აგვისტოში ამოქმედდა. დღეისათვის, დაახლოებით 1.56 მილიარდი ტრანზაქცია დამუშავდა, შეიქმნა 14.33 მილიონი ბლოკი და დარეგისტრირდა 270 მილიონზე მეტი მისამართი.

წყარო: https://thecryptobasic.com/2025/11/28/shiba-inu-announces-major-privacy-upgrade-for-shibarium/