შვედეთის პოლიციამ ნარკოდილერს 1.5 მილიონი დოლარის ბიტკოინები დაუბრუნა

შვედეთის პოლიციამ ნარკოდილერს 1.5 მილიონი დოლარის ბიტკოინები დაუბრუნა

შვედეთის სამართალდამცავმა ორგანოებმა ნარკოტიკებით მოვაჭრეს 1.5 მილიონი დოლარის ღირებულების
ბიტკოინები დაუბრუნეს, რადგან კურსის ზრდის გამო ჩამორთმეული კრიპტოაქტივების ფასმა უკანონოდ
მოპოვებულ თანხებს გადააჭარბა.

ორი წლის წინ შვედი ნარკორეალიზატორი ინტერნეტით ნარკოტიკული საშუალებების გაყიდვისა და ამ გზით
36 BTC-ის მოპოვებისთვის გაასამართლეს. მისი დაპატიმრების მომენტისთვის ჩამორთმეული ბიტკოინების
ღირებულება 1.3 მილიონ შვედურ კრონას (100 000$-ს) შეადგენდა.

დაპატიმრების შემდეგ შვედმა სამართალდამცავებმა ჩამორთმეული 36 BTC აუქციონზე გაიტანეს. თუმცა, იმის
გათვალისწინებით, რომ ბოლო პერიოდში ბიტკოინის კურსი მნიშვნელოვნად გაიზარდა, სასამართლოს მოთხოვნების დასაკმაყოფილებლად მათ მხოლოდ 3 ბიტკოინის გაყიდვა მოუხდათ. შედეგად, დარჩენილი 33 ბიტკოინი,
რომელთა ღირებულება მიმდინარე კურსით 1.5 მილიონამდე დოლარს შეადგენს, ისევ ნარკორეალიზატორს დაუბრუნდა.

„ეს სამწუხაროა მრავალი მიზეზით. მსგავს სიტუაციას ჩვენ ვერ წარმოვიდგენდით. არ აქვს მნიშვნელობა
რა ღირდა ბიტკოინი მაშინ და როგორია მისი ფასი ახლა. ჩადენილი დანაშაულის შედეგად მიღებულმა
შემოსავალმა 36 ბიტკოინი შეადგინა და ისინი დამნაშავეს არ უნდა დაუბრუნდეს. ეს გაკვეთილი იქნება ჩვენთვის მომავალში კრიპტოვალუტებთან დაკავშირებულ დანაშაულთან მიმართებაში.“- განაცხადა პროკურორმა ტუვე კულბერგმა (Tove Kullberg). 

პროკურორის თქმით, ამ შემთხვევას შეუძლია  ბოროტმოქმედებს „ხელები გაუხსნას“ და კრიპტოვალუტებთან დაკავშირებული დანაშაულებების ახალ წყებას დაუდოს დასაბამი. იმის გამო, რომ კრიპტოვალუტების ინდუსტრიის განვითარებასთან ერთად ციფრული აქტივების გამოყენებით ჩადენილე დანაშაულებების რიცხვი იზრდება, კულბერგმა მთავრობას სამართალდამცავი ორგანოების თანამშრომლების გადამზადებისთვის სახსრების გამოყოფა შესთავაზა. კულბერგს კრიპტოაქტივებზე კონტროლის გამკაცრება აუცილებლად მიაჩნია.

შვედეთის ცენტრალური ბანკის მმართველი სტეფან ინგვესი (Stefan Ingves) ასევე დარწმუნებულია, რომ კრიპტოვალუტებთან დაკავირებით არ უნდა იყოს ნორმატიული წესებისა და რეგულაციებისგან „დასხლტომის“ მცდელობა. როდესაც რაღაც დიდ მასშტაბებს აღწევს, თამაშში მომხმარებელთა ინტერესები და ფულის გათეთრება ერთვება – აცხადებს ის.

წყარო: https://bits.media

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

შვედეთის პოლიციამ ნარკოდილერს 1.5 მილიონი დოლარის ბიტკოინები დაუბრუნა