SkyBridge Capital-ს აქტივები კრიპტოვალუტაში გადააქვს

SkyBridge Capital-ს აქტივები კრიპტოვალუტაში გადააქვს

 SkyBridge Capital თავისი აქტივების უმეტეს ნაწილს BTC-სა და ETH-ში გადაიტანს

ჰეჯ-ფონდი SkyBridge Capital, რომელიც ყოფილმა ამერიკელმა პოლიტიკოსმა, ენტონი სკარამუჩიმ დააარსა,  აქტივების უმეტესი ნაწილის ბიტკოინსა და ეთერიუმში გადაიტანას გეგმავს.

გამოცემა Yahoo Finance-ის თანახმად, კომპანიამ ბიტკოინში ინვესტირება ჯერ კიდევ 2020 წელს დაიწყო.

ფირმას კაპიტალი ასევე  სხვა ჰეჯ-ფონდებში, უძრავი ქონებისა და კერძო ტექნოლოგიების კომპანიებში აქვს განთავსებული. საერთო ჯამში SkyBridge Capital  7.3 მილიარდი დოლარის აქტივებს ფლობს.

SkyBridge  7 მილიონი დოლარის ბიტკოინის ფონდს მართავს და აშშ-ს ფასიანი ქაღალდებისა და ბირჟების კომისიისგან (SEC) ბიტკოინის სავაჭრო ფონდის (ETF) ამოქმედების  ნებართვას ელის. ენტონი სკარამუჩის (Anthony Scaramucci) თქმით, SkyBridge Capital აპირებს მომავალში კრიპტო აქტივების მართვის წამყვანი კომპანია გახდეს.

„პანდემიამ საკუთარ საინვესტიციო პორტფელზე შეხედულებები შეგვაცვლევინა. მსოფლიო ორ სამყაროდ გაიყო – პადემიამდე და მის შემდეგ.

პანდემიის შემდგომ სამყაროში გაცილებით მეტია სახელმწიფო ბიუჯეტის დეფიციტი და გაურკვევლობა, რომელიც ფინანსური სექტორის ზრდას და განვითარებას უკავშირდება. კრიპტოვალუტების ბაზრებზე ასეთი გაურკვევლობა არ არის, მათი ზრდის პოტენციალი უზარმაზარია.“ – განაცხადა ბიზნესმენმა.

კომპანია თავისი აქტივების ნაწილს, რომელიც საკრედიტო მენეჯერებისთვის იყო გამოყოფილი ისეთ კრიპტო აქტივებში გადაიტანს, როგორიცაა ბიტკოინი და ეთერიუმი.

ასეთი ნაბიჯი კომპანიის მმართველი ჰეჯ-ფონდების საკრედიტო ნაწილის ჩავარდნით არის განპირობებული.