by Maria 
Solana უოლ-სტრიტის ახალი აქტივი გახდება
კომპანია Bitwise Investment-ის საინვესტიციო დირექტორის მეტ ჰოუგანის განაცხადებით, კრიპტოვალუტა Solana-ს აქვს პოტენციალი, უოლ-სტრიტის გიგანტებისთვის ახალი საინვესტიციო აქტივი გახდეს.
ჰოუგანი დარწმუნებულია, რომ SOL ძირითადი კრიპტოვალუტების, ბიტკოინისა და ეთერიუმის მსგავსად გაიზრდება. ექსპერტის განმარტებით, ბიტკოინის ფასი მკვეთრად 2024 წლის იანვარში აშშ-ში ბიტკოინის გაცვლითი სავაჭრო ფონდების (ETF) ამოქმედების შემდეგ გაიზარდა. კრიპტოვალუტის ETF-ებში კაპიტალის მასობრივმა შემოდინებამ, იმ კომპანიების რიცხვის მკვეთრმა ზრდამ, რომლებმაც ბიტკოინის შესაძენად კორპორატიული ობლიგაციები გაყიდეს და ინვესტორების შიშმა სახელმწიფო ვალუტების შესაძლო დევალვაციასთან დაკავშირებით, ბიტკოინის ფასის სამჯერ გაზრდას შეუწყო ხელი.
Bitwise-ის აღმასრულებელი დირექტორის თქმით, Ethereum-მაც ანალოგიური გზა გამოიარა. ბიტკოინის მსგავსად, ალტკოინმა შესამჩნევი ზრდა აპრილში დაიწყო, როდესაც აქტივების ტოკენიზაციის გარშემო ატეხილი აჟიოტაჟის გამო Ethereum ETF-ებში ინვესტიციები გაიზარდა. BitMine-მა, რომელიც Ethereum-ის ერთ-ერთ უმსხვილეს მფლობელად ითვლება, ასევე შეიტანა წვლილი მონეტის ზრდაში ალტკოინის შეძენით, დასძინა ჰოუგანმა.
მისი ვარაუდით, თუ ფასიანი ქაღალდებისა და ბირჟების კომისია (SEC) იმ კომპანიების განაცხადებს დაამტკიცებს, რომლებიც SOL-თან დაკავშირებულ საფონდო ბირჟებზე გაცვლითი სავაჭო ფონდების ამოქმედებას ცდილობენ, Solana მალე აღმავლობის ტენდენციას განიცდის. სწორედ ერთ-ერთი ასეთი კომპანიაა Bitwise. ჰოუგანმა ასევე ახსენა სოლანას მომავალი განახლება Alpenglow, რომლის მიზანიც ბლოკჩეინ ტრანზაქციების დროის 100-150 მილიწამამდე შემცირებაა. ჰოუგანი მიიჩნევს, რომ აქტივების ტოკენიზაციის მიმართ კორპორატიული ინტერესი ასევე შეიძლება SOL-ის ზრდის მთავარი კატალიზატორი იყოს.
რამდენიმე დღის წინ, კომპანიამ Helius Medical Technologies რომლის აქციებიც საფონდო ბირჟა Nasdaq-ზე არის წარმოდგენილი, 167 მილიონ დოლარად SOL-ის 760,190 აქცია შეიძინა. კომპანია იმედოვნებს, რომ საინვესტიციო პორტფელს დივერსიფიკაციას მოახდენს.
წყარო: https://x.com/AltcoinDaily/status/1970949041916960858
სიახლეების გამოწერა
