Solana-ს Web3-გეიმინგში Ethereum-ზე უპირატესობა ექნება

Solana-ს Web3-გეიმინგში Ethereum-ზე უპირატესობა ექნება

თამაშების სტუდია Paradox-ის ხელმძღვანელობა მიიჩნევს, რომ წელს Solana  ბლოკჩეინის სათამაშო ინდუსტრიაში წამყვან პოზიციას დაიკავებს.

Paradox Stuios-ის აღმასრულებელი დირექტორისა და  დამფუძნებლის, ამიო ტალიოს (Amio Talio) განცხადებით, Web3 თამაშების ინდუსტრიაში Solana-ს ქსელი მომავალში Ethereum-ს გაუსწრებს.

ტალიო ირწმუნება, რომ Solana მუდმივ განვითარებას განიცდის და სულ უფრო მეტ p2p თამაშის დეველოპერებს იზიდავს, თუმცა ამის გაშუქება არ ხდება.

მისი სტუდია ამჟამად  რამდენიმე p2p პროექტზე მუშაობს და ბლოკჩეინის თამაშების მცოდნე სპეციალისტების მხარდაჭერის გამოყენებას ცდილობს.

როგორც ტალიო აღნიშნავს, ბევრ მათგანს Ethereum Solidity-ს პლატფორმას Solana Rust-ს ურჩევნია.

გარდა ამისა, Solana დეველოპერებს მათ პლატფორმაზე გადასასვლელად თანხას სთავაზობს და ეს ტენდენცია დამატებით იმპულსს იძენს.

ამ დროისთვის სოლანამ Web3 თამაშებში დაახლოებით 400 მილიონი დოლარის ინვესტიცია მოახდინა  და განაგრძობს ინვესტიციებს თამაშების „დიდ სიაში“, რომელთა გამოშვებაც წელს იგეგმება.

 „როდესაც გესმით, რომ ყველა პროდუქტს ან მომსახურებას ბიზნესი უზრუნველყოფს, რომლის მიზანია ფულის გამომუშავება და მოგების მაქსიმიზაცია, ხვდებით, რომ სისტემა დაბალი საკომისიოებით და ტრანზაქციის მაღალი სიჩქარით თქვენთვის ყველაზე მომგებიანი იქნება.“ – ამბობს ტალიო.

სტუდიის დამფუძნებელი დარწმუნებულია, რომ ბლოკჩეინ თამაშები უამრავ გეიმერს მოიზიდავს.  ბაზრის ლიდერი კი ის სტუდია იქნება, რომელსაც  უნიკალური სათამაშო გამოცდილების გარდა, მომხმარებლებისთვის სწრაფი და მოსახერხებელი ინფრასტრუქტურის შეთავაზება შეუძლია.